|    Oct 20 Fri, 2017 4:00 pm
FLASH NEWS
Home   >  Todays Paper  >  Page 4  >  

ബിനീഷ് കോടിയേരിയുടെ പേരില്‍ തട്ടിപ്പ്; രണ്ടുപേര്‍ പിടിയില്‍

Published : 7th October 2016 | Posted By: SMR

കൊച്ചി: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനീഷ് കോടിയേരിയാണെന്ന വ്യാജേന ഫോണില്‍ പരിചയപ്പെടുത്തി പലരില്‍നിന്നായി ലക്ഷങ്ങള്‍ തട്ടിയ സംഘത്തിലെ രണ്ടുപേര്‍ പിടിയില്‍. തമിഴ്‌നാട് നാഗപ്പട്ടണം നാഗൂര്‍ സ്വദേശികളായ മുഷ്താഖ് അലി (24), ഹംസത്തലി (26) എന്നിവരെയാണ് കൊച്ചി സിറ്റി ഷാഡോ പോലിസ് നാഗൂരില്‍നിന്ന് അറസ്റ്റ് ചെയ്തത്. സംഘത്തിലെ പ്രധാനി കണ്ണൂര്‍ സ്വദേശി വീനീത് ഉണ്ണികൃഷ്ണനുവേണ്ടി പോലിസ് തിരച്ചില്‍ ഊര്‍ജിതമാക്കി. മറ്റൊരു വഞ്ചനക്കേസില്‍ ഇയാള്‍ ലാവോസില്‍ പിടിയിലായതായി വിവരമുണ്ട്.
നാട്ടില്‍ നിരവധി തട്ടിപ്പുകേസുകളില്‍ പ്രതിയാണ് ഇയാള്‍. സിനിമാരംഗത്ത് പ്രവര്‍ത്തിക്കുന്നവരാണ് ഇവരുടെ തട്ടിപ്പിനിരയായത്. സംഘത്തിലെ മൂവരും ലാവോസില്‍ റസ്റ്റോറന്റ് ജീവനക്കാരാണ്. മുഷ്താഖും ഹംസതും നാട്ടിലേക്ക് മടങ്ങിയശേഷം വിനീത് ലാവോസില്‍നിന്ന് കേരളത്തിലെ സിനിമാരംഗത്ത് പ്രവര്‍ത്തിക്കുന്നവരെ വിളിച്ച് താന്‍ ബിനീഷ് കോടിയേരിയാണെന്ന് പരിചയപ്പെടുത്തിയാണ് തട്ടിപ്പ് നടത്തിയതെന്ന് പോലിസ് പറഞ്ഞു.
തട്ടിപ്പിനിരയായ രജേഷ് എന്നയാള്‍ തോപ്പുംപടി പോലിസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് അന്വേഷണം നടത്തിവരികയായിരുന്നു. ഏഴുദിവസം നാഗപട്ടണം കേന്ദ്രീകരിച്ചു നടത്തിയ അന്വേഷണത്തിനൊടുവിലാണ് പ്രതികള്‍ പിടിയിലായത്.  രണ്ടു മാസത്തിനിടെ ഇന്ത്യന്‍ ബാങ്ക് അക്കൗണ്ടില്‍ നിന്ന് 10 ലക്ഷം രൂപയോളം ഇവര്‍ പിന്‍വലിച്ചിട്ടുണ്ട്. പ്രതികള്‍ നാഗപട്ടണത്തെ എടിഎമ്മില്‍ നിന്നു പണം പിന്‍വലിക്കുന്ന ദൃശ്യങ്ങള്‍ പോലിസ് ശേഖരിച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക