|    Sep 23 Sun, 2018 3:35 pm
FLASH NEWS
Home   >  National   >  

ബിജെപി വിരുദ്ധ മുന്നണി: ആം ആദ്മിയും കോണ്‍ഗ്രസും കൈക്കോര്‍ക്കുന്നു

Published : 2nd June 2018 | Posted By: Jasmi JMI


ന്യൂഡല്‍ഹി: 2019ലെ ലോക്‌സഭ തെരഞ്ഞെടുപ്പ് മുന്നില്‍ കണ്ട് ബിജെപിയെ ചെറുക്കാന്‍ ആംആദ്മി പാര്‍ട്ടിയും കോണ്‍ഗ്രസ് കൈകോര്‍ക്കുന്നതായി സൂചനകള്‍.ഡല്‍ഹിയില്‍ ബിജെപിയെ പരാജയപ്പെടുത്താന്‍ സഖ്യമായി മത്സരിക്കുന്നതിന്റെ സാധ്യത തേടി കോണ്‍ഗ്രസിന്റെയും ആംആദ്മി പാര്‍ട്ടിയുടെയും നേതൃത്വം തിരക്കിട്ട ചര്‍ച്ചകള്‍ ആരംഭിച്ചതായാണ് റിപ്പോര്‍ട്ട്. ഡല്‍ഹിയില്‍ ഏഴു ലോക്‌സഭ സീറ്റുകളാണുളളത്.
ബിജെപിയെ അധികാരത്തില്‍ നിന്നും അകറ്റാന്‍ മെയ് 24 മുതല്‍ കോണ്‍ഗ്രസ് നേതൃത്വം ആംആദ്മി പാര്‍ട്ടിയുമായി അനൗപചാരിക ചര്‍ച്ചകള്‍ നടത്തിവരുകയാണ്. കോണ്‍ഗ്രസിന് വേണ്ടി മുതിര്‍ന്ന നേതാക്കളായ ജയറാം രമേശും അജയ്മാക്കനുമാണ് ഇതിന് മുന്‍കൈയെടുക്കുന്നത്. കര്‍ണാടകയിലും , ഉത്തര്‍പ്രദേശിലും പരീക്ഷിച്ച് വിജയിച്ച തന്ത്രം ഡല്‍ഹിയിലും പയറ്റുന്നതിന്റെ സാധ്യതകളാണ് ഇരുവിഭാഗവും ചര്‍ച്ച ചെയ്തതെന്ന് പാര്‍ട്ടി വ്യത്തങ്ങള്‍ സൂചന നല്‍കുന്നു.ഏഴു ലോക്‌സഭ സീറ്റുകളുളള ഡല്‍ഹിയില്‍ രണ്ട് സീറ്റ് കോണ്‍ഗ്രസിന് നല്‍കാന്‍  സന്നദ്ധത അറിയിച്ച് ആംആദ്മി പാര്‍ട്ടി കോണ്‍ഗ്രസിനെ സമീപിച്ചതായും എന്നാല്‍ മൂന്നുസീറ്റുകള്‍ തങ്ങള്‍ക്ക് വേണമെന്ന് കൂടിയാലോചനയില്‍ കോണ്‍ഗ്രസ് ആവശ്യപ്പെട്ടതായുമാണ് വിവരം. ഇതുസംബന്ധിച്ച് ഇരുവരും ഇനിയും ധാരണയായിട്ടില്ല.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss