|    Sep 20 Thu, 2018 8:18 pm
FLASH NEWS
Home   >  Todays Paper  >  page 7  >  

ബിജെപി മന്ത്രിയുടെ മുമ്പില്‍വിഷം കഴിച്ച വ്യാപാരി മരിച്ചു

Published : 10th January 2018 | Posted By: kasim kzm

ഡെറാഡൂണ്‍: കഴിഞ്ഞ ആഴ്ച ഉത്തരാഖണ്ഡ് കൃഷിമന്ത്രി സുബോധ് ഉനിയാലിന്റെ മുമ്പില്‍വച്ച് വിഷംകഴിച്ച വ്യാപാരി മരിച്ചു. ഹല്‍ദ്വാനി സ്വദേശി പ്രകാശ് പാണ്ഡെയാണ് ഡെറാഡൂണില്‍ ചികില്‍സയ്ക്കിടെ മരിച്ചത്. നോട്ട് നിരോധനവും ജിഎസ്ടിയും മൂലം വ്യാപാരത്തില്‍ നഷ്ടം സംഭവിച്ചതിനെത്തുടര്‍ന്ന് പ്രതിഷേധസൂചകമായാണു പാണ്ഡെ മന്ത്രിയുടെ പരിപാടിയില്‍വച്ച് വിഷംകഴിച്ചത്.ബിജെപി ഓഫിസില്‍വച്ചാണ് മന്ത്രി ഉനിയില്‍ ജനതാ ദര്‍ബാര്‍ സംഘടിപ്പിച്ചത്. മന്ത്രിയുടെ മുമ്പില്‍ തന്റെ അവസ്ഥ പാണ്ഡെ അവതരിപ്പിച്ചിരുന്നു. നോട്ട് നിരോധനവും ജിഎസ്ടിയുംമൂലം വായ്പ തിരിച്ചടയ്ക്കാന്‍ തനിക്കാവില്ലെന്ന് അദ്ദേഹം പറഞ്ഞിരുന്നു. പ്രധാനമന്ത്രി നരേന്ദ്രമോദി, ധനകാര്യമന്ത്രി അരുണ്‍ ജെയ്റ്റ്‌ലി, ബിജെപി അധ്യക്ഷന്‍ അമിത്ഷാ എന്നിവര്‍ക്കു കത്തയച്ചെങ്കിലും പ്രതികരണമുണ്ടായില്ല. ഇതേത്തുടര്‍ന്നാണ് താന്‍ വിഷം കഴിച്ചതെന്ന് അദ്ദേഹം പറഞ്ഞിരുന്നു.പാണ്ഡെയുടെ മരണം സംസ്ഥാനസര്‍ക്കാരിന് നാണക്കേടാണെന്ന് മുന്‍ മുഖ്യമന്ത്രി ഹരീഷ് റാവത്ത് പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss