|    Oct 21 Sun, 2018 11:50 pm
FLASH NEWS
Home   >  Todays Paper  >  page 7  >  

ബിജെപി ഭരിക്കുന്ന സംസ്ഥാനങ്ങളുടെ എണ്ണം 22 ആയി

Published : 5th March 2018 | Posted By: kasim kzm

ന്യൂഡല്‍ഹി: ത്രിപുരയില്‍ സിപിഐഎമ്മിനെ നിലംപരിശാക്കുകയും നാഗാലാന്‍ഡിലും മേഘാലയയിലും നിര്‍ണായക സ്ഥാനത്തെത്തുകയും ചെയ്ത ബിജെപി ഇവിടങ്ങളില്‍ അധികാരത്തിലേറുന്നതോടെ ഒറ്റയ്‌ക്കോ സഖ്യമായോ ഭരിക്കുന്ന സംസ്ഥാനങ്ങളുടെ എണ്ണം 22 ആവും.
ത്രിപുരയും നാഗാലാന്‍ഡും മേഘാലയയും ഉള്‍പ്പെടെ ബിജെപി ഭരണത്തിനു കീഴിലുള്ള സംസ്ഥാനങ്ങളിലാണ് രാജ്യത്തെ ആകെ ജനസംഖ്യയുടെ 70 ശതമാനത്തിലധികം പേര്‍ അധിവസിക്കുന്നത്. രണ്ടര ദശാബ്ദത്തിനിടെ ഒരു രാഷ്ട്രീയപ്പാര്‍ട്ടിയോ രാഷ്ട്രീയ സഖ്യമോ ഇത്തരത്തില്‍ മുന്നേറ്റം നടത്തുന്നത് ആദ്യമാണ്. 1993 ലെ നിയമസഭാ തിരഞ്ഞെടുപ്പുകള്‍ക്കു പിന്നാലെ കോണ്‍ഗ്രസ്സും സഖ്യകക്ഷികളും ചേര്‍ന്ന് 16 സംസ്ഥാനങ്ങളില്‍ അധികാരത്തിലെത്തിയിരുന്നു. രാജ്യത്ത് 26 സംസ്ഥാനങ്ങള്‍ മാത്രമായിരുന്ന അന്ന് 15 സംസ്ഥാനത്ത് കോണ്‍ഗ്രസ്സും ഒരിടത്ത് കോണ്‍ഗ്രസ്് സഖ്യവുമാണ് അധികാരത്തിലിരുന്നത്.
വടക്കുകിഴക്കന്‍ സംസ്ഥാനങ്ങളില്‍ ബിജെപി ഇപ്പോള്‍ ശക്തമായ സാന്നിധ്യമാണ് അറിയിച്ചിരിക്കുന്നത്. 2014ല്‍ മോദി സര്‍ക്കാര്‍ ഡല്‍ഹിയില്‍ അധികാരത്തിലെത്തിയപ്പോള്‍ ബിജെപി ആകെ 7 സംസ്ഥാനങ്ങളിലാണു ഭരണം നടത്തിയിരുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss