|    Apr 26 Thu, 2018 5:51 am
FLASH NEWS
Home   >  Todays Paper  >  page 7  >  

ബിജെപി പ്രവര്‍ത്തകന്‍ പോലിസ് കസ്റ്റഡിയില്‍നിന്ന് രക്ഷപ്പെട്ടു

Published : 31st March 2018 | Posted By: kasim kzm

ഔറംഗാബാദ്: രാമനവമി ആഘോഷത്തോടനുബന്ധിച്ച് ഔറംഗാബാദില്‍ ബിജെപിയും സംഘപരിവാര സംഘടനകളും അഴിച്ചുവിട്ട വര്‍ഗീയ കലാപവുമായി ബന്ധപ്പെട്ട് പിടിയിലായ ബിജെപി പ്രവര്‍ത്തകന്‍ കസ്റ്റഡിയില്‍ നിന്നു രക്ഷപ്പെട്ടു. ഹിന്ദു സേവാ സമിതി നേതാവുകൂടിയായ അനില്‍ സിങ് കോടതിയില്‍ ഹാജരാക്കാന്‍ കൊണ്ടുവരുന്നതിനിടെയാണ് പോലിസ് കസ്റ്റഡിയില്‍നിന്ന് രക്ഷപ്പെട്ടത്.
വര്‍ഗീയ സംഘര്‍ഷങ്ങളുമായി ബന്ധപ്പെട്ട് 148 പേര്‍ക്കെതിരേയാണ് പോലിസ് കേസെടുത്തിരുന്നത്. ഇതില്‍ മുഖ്യപ്രതികളില്‍ ഓരാളാണ് കസ്റ്റഡിയില്‍ നിന്ന് രക്ഷപ്പെട്ട അനില്‍ സിങ്. പ്രതിയെ രക്ഷപ്പെടാന്‍ സഹായിച്ച പോലിസുകാര്‍ക്കെതിരേ കര്‍ശന നടപടി സ്വീകരിക്കുമെന്ന് ഔറംഗാബാദ് ജില്ലാ പോലിസ് മേധാവി സത്യപ്രകാശ് അറിയിച്ചു. 49കാരനായ അനില്‍ സിങ് ഹിന്ദു സേവാ സമിതി സംഘടിപ്പിച്ച രാമനവമി ജാഥയുടെ മുഖ്യ സംഘാടകരില്‍ ഒരാളാണ്. 2016ല്‍ വര്‍ഗീയ കലാപം ഇളക്കിവിട്ടതിനും ഇയാള്‍ക്കെതിരേ കേസുണ്ട്.
ഔറംഗാബാദ് കലാപവുമായി ബന്ധപ്പെട്ട് ഇയാളെ കൂടാതെ ബിജെപി ജില്ലാ വക്താവ് ഉജ്ജ്വല്‍കുമാര്‍, എബിവിപി നേതാവ് ദീപക്കുമാര്‍ എന്നിവര്‍ക്കെതിരേയും പോലിസ് കേസെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss