|    Nov 15 Thu, 2018 2:04 am
FLASH NEWS

ബിജെപി നേതാവിനെതിരേ പി കെ ശ്രീമതി എംപി അപകീര്‍ത്തിക്കേസ് ഫയല്‍ ചെയ്

Published : 30th June 2018 | Posted By: kasim kzm

തുകണ്ണൂര്‍: ദൃശ്യമാധ്യമത്തിലൂടെ അടിസ്ഥാനരഹിതമായ ആരോപണമുന്നയിച്ച് അപമാനിക്കാന്‍ ശ്രമിച്ചെന്നാരോപിച്ച് ബിജെപി നേതാവിനെതിരേ സിപിഎം കേന്ദ്ര കമ്മിറ്റിയംഗം പി കെ ശ്രീമതി എംപി അപകീര്‍ത്തികേസ് ഫയല്‍ ചെയ്തു. ബിജെപി സംസ്ഥാന ജനറല്‍ സെക്രട്ടറി അഡ്വ. ബി ഗോപാലകൃഷ്ണനെതിരേരയാണ് കണ്ണൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് (ഒന്ന്) കോടതിയില്‍ കേസ് ഫയല്‍ ചെയ്തത്.
ജനുവരി 25ന് സ്വകാര്യ വാര്‍ത്താചാനലിന്റെ സൂപ്പര്‍ പ്രൈം ടൈമില്‍ ഗോപാലകൃഷ്ണന്‍ അടിസ്ഥാനരഹിതമായ ആരോപണങ്ങള്‍ ഉന്നയിച്ചെന്നാണ് പരാതി. ആരോപണം പിന്‍വലിച്ച് മാപ്പുപറയണമെന്നും അല്ലാത്തപക്ഷം അപകീര്‍ത്തിക്കേസ് ഫയല്‍ ചെയ്യുമെന്നും ചൂണ്ടിക്കാട്ടി പി കെ ശ്രീമതി നേരത്തെ  നോട്ടീസ് അയച്ചിരുന്നു. തുടര്‍ന്നാണ് കഴിഞ്ഞ ദിവസം കേസ് ഫയല്‍ ചെയ്തത്. മജിസ്‌ട്രേറ്റ് മുമ്പാകെ മൊഴിയും നല്‍കി.
സ്‌കൂള്‍ അധ്യാപികയും എംഎല്‍എയും മന്ത്രിയുമായിരുന്ന താന്‍ ഇപ്പോള്‍ എംപിയായി പ്രവര്‍ത്തിക്കുകയാണെന്നും ദുരാരോപണങ്ങള്‍ ഉന്നയിച്ച് തന്നെ സമൂഹത്തില്‍ മോശമായി ചിത്രീകരികരിക്കാനാണ് ബിജെപി നേതാവിന്റെ ശ്രമമെന്നും പി കെ ശ്രീമതി പറഞ്ഞു. മാതൃഭൂമി ചാനല്‍ എഡിറ്റര്‍ എം പി വീരേന്ദ്രകുമാര്‍, ശ്രേയാംസ്‌കുമാര്‍ ഉള്‍പ്പെടെ എട്ടുപേരാണ് കേസിലെ സാക്ഷികള്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss