|    Aug 17 Fri, 2018 6:18 pm
FLASH NEWS
Home   >  Todays Paper  >  page 7  >  

ബിജെപി കന്യാസ്ത്രീകളെ ലക്ഷ്യംവയ്ക്കുന്നു: മമത

Published : 13th July 2018 | Posted By: kasim kzm

പശ്ചിമബംഗാള്‍: മദര്‍ തെരേസ സ്ഥാപിച്ച ഉപവിയുടെ സഹോദരിമാര്‍ സഭയ്‌ക്കെതിരേ (മിഷനറീസ് ഓഫ് ചാരിറ്റി) കേസെടുത്ത സംഭവത്തില്‍ പ്രതിഷേധവുമായി ബംഗാള്‍ മുഖ്യമന്ത്രി മമത ബാനര്‍ജി. ബിജെപി ചില ലക്ഷ്യങ്ങള്‍ മുന്‍നിര്‍ത്തി മദര്‍ തെരേസയുടെ പേര് കളങ്കപ്പെടുത്താന്‍ ശ്രമിക്കുകയാണെന്നും കന്യാസ്ത്രീകളെ അവര്‍ ലക്ഷ്യംവയ്ക്കുന്നെന്നുമായിരുന്നു മമതയുടെ ആരോപണം. ഉപവിയുടെ സഹോദരിമാര്‍ സഭ സ്ഥാപിച്ചതു മദര്‍ തെരേസയാണ്. ഇപ്പോള്‍ അവരെയും ബിജെപി വെറുതെവിടുന്നില്ല. മദര്‍ തെരേസയുടെ പേര് അപകീര്‍ത്തിപ്പെടുത്താന്‍ ശ്രമിക്കുകയാണ്- മമത ട്വീറ്റ് ചെയ്തു.
ജാര്‍ഖണ്ഡ് റാഞ്ചിയിലെ നിര്‍മല ഹൃദയ ശിശുഭവനിലെ അന്തേവാസികളായ അനാഥക്കുട്ടികളെ വിറ്റുവെന്ന് സഭയ്‌ക്കെതിരേ സംഘപരിവാരം ആരോപണം വ്യാപകമായി നടത്തുന്നുണ്ട്. ഇതുമായി ബന്ധപ്പെട്ട് കന്യാസ്ത്രീ അടക്കം രണ്ടു പേരെ പോലിസ് അറസ്റ്റ് ചെയ്തിരുന്നു. ഉത്തര്‍പ്രദേശില്‍ നിന്നുള്ള ദമ്പതികള്‍ക്കു കുട്ടിയെ നല്‍കിയെന്ന കേസിലാണ് അറസ്റ്റ്. സഭ 280 കുട്ടികളെ കടത്തി എന്നാണ് ബിജെപി പ്രചാരണം. എന്നാല്‍ നാലു കുട്ടികളെ മാത്രമാണ് കാണാതായതെന്നും ഇതില്‍ മൂന്നുപേരെ കണ്ടെത്തിയെന്നും ജാര്‍ഖണ്ഡ് എഡിജിപി അറിയിച്ചു. ഇതിനു പിന്നാലെയാണ് സഭയ്ക്ക് പിന്തുണയുമായി മമത ബാനര്‍ജി രംഗത്തെത്തിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss