|    Apr 20 Fri, 2018 6:29 pm
FLASH NEWS
Home   >  National   >  

ബിജെപി എംഎല്‍എ 53 ലക്ഷം തട്ടിയെന്ന് പരാതി

Published : 13th April 2018 | Posted By: sruthi srt

മീറത്ത്: ഇഷ്ടികച്ചൂളയില്‍ പങ്കാളിയാക്കാമെന്ന് വാഗ്ദാനം ചെയ്ത് ഉത്തര്‍പ്രദേശിലെ ബിജെപി എംഎല്‍എ സംഗീത് സോം 53 ലക്ഷം രൂപ തട്ടിയെന്നു പരാതി. രാജ്പൂര്‍ മോമിന്‍ സ്വദേശി രാഹുല്‍ സിങാണ് അഡീഷനല്‍ ഡിജിപി (മീറത്ത് മേഖല) പ്രശാന്ത് കുമാറിന് പരാതി നല്‍കിയത്.  ഇടപാടിന്റെയോ പങ്കാളിത്തത്തിന്റെയോ ഔദ്യോഗിക രേഖയൊന്നും നല്‍കാതെ സോം വഞ്ചിച്ചുവെന്നാണ് സിങ് പരാതിയില്‍ പറയുന്നത്.

തന്റെ എരുമകളെ വിറ്റും ഭൂമി ബാങ്കില്‍ പണയപ്പെടുത്തിയും കിട്ടിയ പണമാണ് എംഎല്‍എക്ക് നല്‍കിയത്. ഒന്നോ രണ്ടോ ദിവസത്തിനകം പരാതിയില്‍ നടപടിയെടുത്തില്ലെങ്കില്‍ മുഖ്യമന്ത്രി യോഗി ആദിത്യനാഥിന് പരാതി നല്‍കും. എസ്എസ്പി പരാതി സ്വീകരിക്കാത്തതിനെ തുടര്‍ന്നാണ് എഡിജിപിക്ക് പരാതി നല്‍കിയത്. നീതി ലഭ്യമായില്ലെങ്കില്‍ താനും കുടുംബവും ആത്മഹത്യ ചെയ്യും-രാഹുല്‍ സിങ് പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss