|    Jun 25 Mon, 2018 4:09 am
FLASH NEWS

ബിജെപിയെ രക്ഷിക്കാന്‍ കുമ്മനത്തിനും ആയില്ലെന്ന് വെള്ളാപ്പള്ളി നടേശന്‍

Published : 27th May 2018 | Posted By: kasim kzm

ആലത്തൂര്‍: ഗ്രൂപ്പുകളിയും കൂട്ട അടിയും നടക്കുന്ന കേരളത്തിലെ ബിജെപിയെ രക്ഷിക്കാന്‍  പ്രസിഡന്റ് എന്ന നിലയില്‍ കുമ്മനം രാജശേഖരനുമായില്ലെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. എല്ലാവരെയും ഒന്നിപ്പിച്ച് കൊണ്ടുപോകാന്‍ അദ്ദേഹത്തിന് കഴിഞ്ഞില്ല.
ആലത്തൂര്‍ ശ്രീനാരായണ കോളജ് ഓഡിറ്റോറിയം ഉദ്ഘാടനവും സ്‌നേഹ വീടിന്റെ  താക്കോല്‍ ദാനവും നിര്‍വഹിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഗവര്‍ണര്‍ പദവി നല്ല കാര്യമാണ്. ചെങ്ങന്നൂര്‍ ഉപതെരഞ്ഞെടുപ്പില്‍ കൊട്ടിക്കലാശമായ സ്ഥിതിക്ക് കുമ്മനത്തിന്റെ സ്ഥാനലബ്ധി സ്വാധീനിക്കില്ല.  ആര്‍ക്കാണ് സാധ്യതയെന്ന് പ്രവചിച്ച് വിവാദത്തിനില്ലെന്നും വെള്ളാപ്പള്ളി പറഞ്ഞു. ആരേയും വെറുപ്പിക്കാതെ എല്ലാവരേയും സുഖിപ്പിച്ച് പോകുന്നതാ നല്ലത് എന്ന കാലമാണ് ഇപ്പോഴെന്നും വെള്ളാപ്പള്ളി പറഞ്ഞു. എസ്എന്‍ ട്രസ്റ്റ് എക്‌സിക്യൂട്ടീവ് അംഗം കെ ആര്‍ ഗോപിനാഥ് അധ്യക്ഷത വഹിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss