|    Oct 17 Wed, 2018 10:40 pm
FLASH NEWS
Home   >  Todays Paper  >  page 7  >  

ബിജെപിയുടെ 19 സ്ഥാനാര്‍ഥികള്‍ പ്രതികള്‍

Published : 15th April 2018 | Posted By: kasim kzm

ബംഗളൂരു: കര്‍ണാടക നിയമസഭാ തിരഞ്ഞെടുപ്പിലെ സ്ഥാനാര്‍ഥികളില്‍ 75 പേരുടെ ആദ്യ പട്ടിക ബിജെപി പ്രഖ്യാപിച്ചു. ഇതില്‍ 57 പേര്‍ 2013ലെ തിരഞ്ഞെടുപ്പില്‍ മല്‍സരിച്ച് ജയിച്ചവരാണ്. 57 സിറ്റിങ് എംഎല്‍എമാരില്‍ 19 പേരും ക്രിമിനല്‍ കേസുകളിലെ പ്രതികളാണെന്ന് കര്‍ണാടക ഇലക്ഷന്‍ വാച്ചും അസോസിയേഷന്‍ ഫോര്‍ ഡെമോക്രാറ്റിക് റിഫോംസും (എഡിആര്‍) വ്യക്തമാക്കി.
തിരഞ്ഞെടുപ്പ് കമ്മീഷനില്‍ സമര്‍പ്പിച്ച സത്യവാങ്മൂലത്തെ ആസ്പദമാക്കി നടത്തിയ പഠനത്തിലാണ് ഇക്കാര്യം വ്യക്തമായതെന്ന് എഡിആര്‍ സംസ്ഥാന കോ-ഓഡിനേറ്റര്‍ ഡോ. ആര്‍ ബാലസുബ്രഹ്മണ്യം പറഞ്ഞു. 13 എംഎല്‍എമാര്‍ ഗൗരവതരമായ ക്രിമിനല്‍ കേസുകളില്‍ പ്രതികളാണ്. എംഎല്‍എമാരില്‍ 51 പേരും കോടീശ്വരന്മാരാണ്.
എല്ലാ രാഷ്ട്രീയ പാര്‍ട്ടികളുടെയും എല്ലാ സ്ഥാനാര്‍ഥികളുടെയും വിശദാംശങ്ങള്‍ വിശകലനം ചെയ്യുമെന്ന് എഡിആര്‍ സംസ്ഥാന കോ-ഓഡിനേറ്റര്‍ ഡോ. ആര്‍ ബാലസുബ്രഹ്മണ്യം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss