|    May 21 Mon, 2018 2:30 pm
FLASH NEWS
Home   >  National   >  

ബിജെപിക്ക് തിരിച്ചടി: നാളെ നാലുമണിക്ക് യെദ്യുരപ്പ ഭൂരിപക്ഷം തെളിയിക്കണമെന്ന് സുപ്രിംകോടതി

Published : 18th May 2018 | Posted By: sruthi srt

ബംഗളൂരു: നാളെ നാലുമണിക്ക് യെദ്യുരപ്പ  ഭൂരിപക്ഷം തെളിയിക്കണമെന്ന് സുപ്രിംകോടതി ഉത്തരവ്. നാളെ രാവിലെ എംഎല്‍എമാര്‍ക്ക് സത്യപ്രതിജ്ഞ ചെയ്യാം. പ്രോടൈം സ്പീക്കറെയും ന്ിയമിക്കാന്‍ സമയമുണ്ടെന്ന് കോടതി വ്യക്തമാക്കി. എംഎല്‍എമാര്‍ക്ക് എത്താനും സ്വതന്ത്യമായി ചിന്തിക്കാനും സമയം നല്‍കണമെന്ന ബിജെപിയുടെ അഭിഭാഷകന്‍ മുകുള്‍ രോഹ്തിഗിയുടെ ആവശ്യം തള്ളിയാണ് നടപടി. രഹസ്യ ബാലറ്റ് എന്ന ആവശ്യവും കോടതി തള്ളി.നാളെ തന്നെ വോട്ടെടുപ്പ് നടത്താന്‍ തയ്യാറാണെന്ന് നേരത്തെ കോണ്‍ഗ്രസ് വ്യക്തമാക്കിയിരുന്നു.

ബിജെപിയാണ് സംസ്ഥാനത്തെ ഏറ്റവും വലിയ ഒറ്റകക്ഷിയെന്നും കേവല ഭൂരിപക്ഷം തെളിയിക്കുമെന്നും ബിജെപിക്കു വേണ്ടി ഹാജരായ രോഹിത്ഗി വ്യക്തമാക്കിയതിന്റെ പിന്നാലെയാണ് കോണ്‍ഗ്രസിനു വേണ്ടി ഹാജരായ മനു അഭിഷേക് സിങ്‌വി ഇക്കാര്യം കോടതിയെ അറിയിച്ചത്. അതേസമയം ബിജെപി ഗവര്‍ണര്‍ക്കു നല്‍കിയ കത്തില്‍ എത്ര എംഎല്‍എമാര്‍ തങ്ങളെ പിന്തുണയ്ക്കുന്നുവെന്ന് വ്യക്തമാക്കിയിട്ടില്ല.എംഎല്‍എമാരുടെ പേരും ഇല്ല. ഇക്കാര്യം ഗവര്‍ണറെ ബോധ്യപ്പെടുത്തേണ്ടതില്ലെന്നാണ് റോഹ്തിഗി കോടതിയില്‍ പറഞ്ഞത്. കേവല ഭൂരിപക്ഷമുണ്ടെന്ന് മാത്രമാണ് കത്തില്‍ പറഞ്ഞിരിക്കുന്നത്. തുടര്‍ന്ന് എന്തടിസ്ഥാനത്തിലാണ് ഗവര്‍ണര്‍ ബിജെപിയെ സര്‍ക്കാരുണ്ടാക്കാന്‍ ക്ഷണിച്ചതെന്ന് കേസ് പരിഗണിച്ച ജഡ്ജിമാരിലൊരാളായ ജസ്റ്റിസ് സിക്രി ചോദിച്ചു.ഒപ്പം നാളെ തന്നെ ഭൂരിപക്ഷം തെളിയിച്ചുകൂടെയെന്നും അദ്ദേഹം ബിജെപിയോട് ചോദിച്ചിരുന്നു.ഇതിന്റെ പിന്നാലെയാണ് ഉത്തരവ് ഉണ്ടായത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss