|    Apr 27 Fri, 2018 10:43 am
FLASH NEWS
Home   >  Todays Paper  >  Page 4  >  

ബിജെപിക്കും മോദിക്കും എതിരേ പ്രതിപക്ഷം ഒന്നിക്കണം: ശിവാനന്ദ് തിവാരി

Published : 15th April 2018 | Posted By: kasim kzm

തൃശൂര്‍: പാര്‍ട്ടി താല്‍പര്യങ്ങളും വ്യക്തിപരമായ ഈഗോകളും മാറ്റിവച്ച് ബിജെപിക്കും നരേന്ദ്ര മോദിക്കുമെതിരേ രാജ്യത്തെ പ്രതിപക്ഷം ഒറ്റക്കെട്ടായി അണിനിരക്കണമെന്നും വോട്ടുകള്‍ ഭിന്നിക്കാതെ നേരിട്ടുള്ള മല്‍സരത്തിന് സാഹചര്യമൊരുക്കണമെന്നും ആര്‍ജെഡി ദേശീയ ഉപാധ്യക്ഷന്‍ ശിവാനന്ദ് തിവാരി അഭിപ്രായപ്പെട്ടു. പിഡിപി സില്‍വര്‍ ജൂബിലിയോടനുബന്ധിച്ച് പതിനായിരങ്ങള്‍ പങ്കെടുത്ത റാലിക്കൊടുവില്‍ നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
പാര്‍ട്ടി സംസ്ഥാന സീനിയര്‍ വൈസ് പ്രസിഡന്റ് പൂന്തുറ സിറാജ് അധ്യക്ഷത വഹിച്ചു. ജനതാദള്‍ എസ് ദേശീയ സെക്രട്ടറി എ നീലലോഹിതദാസ്, തമിഴ്‌നാട് മനിതനേയ മക്കള്‍ കക്ഷി പ്രസിഡന്റ് പ്രഫ. ജവാഹിറുല്ല, ഐഎന്‍എല്‍ സംസ്ഥാന പ്രസിഡന്റ് പ്രഫ. എ പി അബ്ദുല്‍ വഹാബ്, ശശി പന്തളം(വെല്‍ഫെയര്‍ പാര്‍ട്ടി), ഗ്രോ വാസു, കേരള ദലിത് ഫെഡറേഷന്‍ സംസ്ഥാന പ്രസിഡന്റ് പി രാമഭദ്രന്‍, പിഡിപി സ്ഥാപക ജനറല്‍ സെക്രട്ടറി സുവര്‍ണകുമാര്‍ സംസാരിച്ചു.
പാര്‍ട്ടി സില്‍വര്‍ ജൂബിലിയുടെ ഭാഗമായി നിര്‍ധനര്‍ക്കായി തുടങ്ങിയ ബൈത്തു സ്വബാഹ് ഭവന പദ്ധതിയിലെ ആദ്യ വീടിന്റെ താക്കോല്‍ ദാനം നടന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss