|    Jul 22 Sat, 2017 12:26 am
FLASH NEWS
Home   >  National   >  

ബിഎ ഇല്ലാതെ മോഡി എങ്ങിനെ എംഎ എടുത്തുവെന്ന് കെജ്രിവാള്‍

Published : 5th May 2016 | Posted By: G.A.G

aravind kejrivalന്യൂഡല്‍ഹി : പ്രധാനമന്ത്രി നരേന്ദ്രമോഡിയുടെ വിദ്യാഭ്യാസയോഗ്യത സംബന്ധിച്ച് ഗുരുതരമായ ആരോപണങ്ങളുന്നയിച്ച് ഡല്‍ഹി മുഖ്യമന്ത്രി അരവിന്ദ് കെജ്്രിവാള്‍ ഡല്‍ഹി സര്‍വകലാശാല വൈസ് ചാന്‍സലര്‍ക്ക് കത്തയച്ചു.
മോഡിയുടെ അഡ്മിഷന്‍ഫോമോ, മാര്‍ക്ക് ഷീറ്റോ സര്‍ട്ടിഫിക്കറ്റോ ഡല്‍ഹി സര്‍വകലാശാലയുടെ പക്കലില്ല. ഗുജറാത്ത്് സര്‍വകലാശാല പറയുന്നത്് മോഡി എംഎ എടുത്തുവെന്നാണ്. ബിഎ എടുക്കാതെ അദ്ദേഹം എങ്ങിനെ എംഎ എടുത്തുവെന്നും മോഡിയുടെ എംഎ വ്യാജമാണോ എന്ന സംശയമുയര്‍ന്നിരിക്കുകയാണെന്നും കത്തിലുണ്ട്.
നരേന്ദ്ര മോഡിയുടെ വിദ്യാഭ്യാസ യോഗ്യത വെളിപ്പെടുത്തണമെന്നാവശ്യപ്പെട്ട് കെജ്‌രിവാള്‍ കഴിഞ്ഞാഴ്ച കേന്ദ്ര വിവരാവകാശ കമ്മീഷണര്‍ക്ക് കത്തയച്ചിരുന്നു. പ്രധാനമന്ത്രിക്ക് യാതൊരു ബിരുദവും ഇല്ല എന്ന തരത്തില്‍ വാര്‍ത്തകള്‍ കേള്‍ക്കുന്നുണ്ടെന്നും ഇക്കാരണത്താല്‍ അദ്ദേഹത്തിന്റെ വിദ്യാഭ്യാസ യോഗ്യത വെളിപ്പെടുത്തണമെന്നുമാണ് കേന്ദ്ര വിവരാവകാശ കമ്മീഷണര്‍ പ്രഫസര്‍ എം ശ്രീധര്‍ ആചാര്യലൂവിന് അയച്ച കത്തില്‍ കെജരിവാള്‍ ആവശ്യപ്പെട്ടത്.
മോഡിയുടെ വിദ്യാഭ്യാസ യോഗ്യതയുടെ സത്യാവസ്ഥ അറിയാന്‍ രാജ്യത്തിന് ആകാംഷയുണ്ടെന്നും ഇത് പൊതുജനത്തിന് വെളിപ്പെടുത്തി കൊടുക്കണമെന്നുമാണ് കത്തില്‍ ആവശ്യപ്പെട്ടത്. മോഡിയുടെ യോഗ്യത എന്തിന് മറിച്ചുവയ്ക്കണമെന്നും കത്തില്‍ കെജരിവാള്‍ ചോദിച്ചിരുന്നു. മോഡിയുടെ തിരഞ്ഞെടുപ്പ് സത്യവാങ്മൂലത്തില്‍ ഡല്‍ഹി സര്‍വകലാശാലയില്‍ നിന്ന് ബിരുദം എടുത്തെന്നാണ് കാണിച്ചിരിക്കുന്നത്. നേരത്തെ വിവരാവകാശ നിയമപ്രകാരം  മോഡിയുടെ ബിരുദത്തെക്കുറിച്ചുള്ള വിവരം യൂണിവേഴ്‌സിറ്റിയോട് ആവശ്യപ്പെട്ടപ്പോള്‍ അവര്‍ പരാതി തള്ളിയിരുന്നു.

കെജ്രിവാളിന്റെ കത്ത് ലഭിച്ചതിനെത്തുടര്‍ന്ന് മോഡിയുടെ വിദ്യാഭ്യാസയോഗ്യത സംബന്ധിച്ച വിവരങ്ങള്‍ കെജ്രിവാളിന് ഡല്‍ഹി സര്‍വകലാശാലയോടും ഗുജറാത്ത്് സര്‍വകലാശാലയോടും ആവശ്യപ്പെട്ടിരുന്നു. ഇതിന് തൊട്ടു പിന്നാലെ കഴിഞ്ഞദിവസം മൂന്ന് ആം ആദ്മി പാര്‍ട്ടി നേതാക്കള്‍ കെജ്രിവാളിന്റെ കത്തുമായി ഡല്‍ഹി സര്‍വകലാശാല അധികൃതരെ സന്ദര്‍ശിച്ച് വിവരങ്ങള്‍ അന്വേഷിക്കുകയും ചെയ്തു. എന്നാല്‍ വിവരങ്ങള്‍ ലഭിക്കാന്‍ പ്രധാനമന്ത്രിയുടെ ഓഫീസിനെ സമീപിക്കാനാണ് സര്‍വകലാശാല  അധികൃതര്‍ തങ്ങളോടാവശ്യപ്പെട്ടതെന്ന് നേതാക്കള്‍ പറഞ്ഞു.
ഇതേത്തുടര്‍ന്ന് പ്രധാനമന്ത്രിയുടെ ബിരുദം വ്യാജമായി ഉണ്ടാക്കിയതാണെന്നും അതിനാലാണ് ഡല്‍ഹി സര്‍വകലാശാല അതുസംബന്ധിച്ച വിവരങ്ങള്‍ പുറത്തുവിടാത്തതെന്നും കെജ്രിവാള്‍ ട്വിറ്ററില്‍ ആരോപിച്ചിരുന്നു. മോഡി ഡല്‍ഹി സര്‍വകലാശാലയില്‍ നിന്ന് ബി എ ബിരുദമെടുത്തിട്ടില്ലെന്നാണ് തനിക്ക് ലഭിച്ച വിവരമെന്നും ഡല്‍ഹി സര്‍വകലാശാലയുടെ പക്കല്‍ യാതൊരു രേഖയുമില്ലെന്നും കെജ്രിവാള്‍ ആരോപിച്ചിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക