|    Oct 24 Tue, 2017 4:10 am
FLASH NEWS
Home   >  Todays Paper  >  Page 4  >  

ബാലാവകാശ കമ്മീഷന്പരാതി നല്‍കി

Published : 29th March 2016 | Posted By: RKN

സ്വന്തം പ്രതിനിധി

തിരുവനന്തപുരം: ഹൈദരാബാദ് സര്‍വകലാശാലയിലെ പോലിസ് അതിക്രമത്തിനെതിരേ എസ്‌ഐഒ കോഴിക്കോട്ട് നടത്തിയ മാര്‍ച്ചിനിടെ പോലിസ് അറസ്റ്റ് ചെയ്ത വിദ്യാര്‍ഥികള്‍ സംസ്ഥാന ബാലാവകാശ കമ്മീഷനില്‍ പരാതി നല്‍കി. പോലിസ് അകാരണമായി തങ്ങളെ മര്‍ദ്ദിച്ചെന്നും അറസ്റ്റ് ചെയ്‌തെന്നും കാണിച്ച് പ്രായപൂര്‍ത്തിയാവാത്ത അഞ്ചു വിദ്യാര്‍ഥികളാണ് പരാതി നല്‍കിയത്. പരാതി ഗൗരവമേറിയതാണെന്നും പോലിസിനോട് റിപോര്‍ട്ട് ആവശ്യപ്പെടുമെന്നും ബാലാവകാശ കമ്മീഷന്‍ അംഗം നാസര്‍ ചാലിയം പറഞ്ഞു. സംഭവത്തെക്കുറിച്ച് ഏഴു ദിവസത്തിനകം റിപോര്‍ട്ട് സമര്‍പ്പിക്കാന്‍ പോലിസ് കമ്മീഷണറോടും ഡിസിപിയോടും ആവശ്യപ്പെടുമെന്നും അദ്ദേഹം പറഞ്ഞു. ശനിയാഴ്ച നടന്ന പോസ്റ്റ്ഓഫിസ് മാര്‍ച്ചിനിടെ പോലിസ് അറസ്റ്റ് ചെയ്തവരില്‍ പ്രായപൂര്‍ത്തിയാവാത്ത അഞ്ച് വിദ്യാര്‍ഥികളാണ് ഉണ്ടായിരുന്നത്. പ്രായപൂര്‍ത്തിയാവാത്തവര്‍ എന്ന നിലയ്ക്കുള്ള തങ്ങളുടെ അവകാശങ്ങള്‍ പോലിസ് നിഷേധിച്ചുവെന്ന് ബാലാവകാശ കമ്മീഷനില്‍ ഇവര്‍ നല്‍കിയ പരാതിയില്‍ പറയുന്നു. പതിനൊന്ന് മണിക്ക് സ്റ്റേഷനിലെത്തിച്ച തങ്ങളെ ആശുപത്രിയില്‍ കൊണ്ടുപോവാനോ ഭക്ഷണം നല്‍കാനോ പോലിസ് തയ്യാറായില്ല. രക്ഷിതാക്കളെ കാണാനും അനുവദിച്ചില്ല. വൈകീട്ട് അഞ്ചു മണിക്കാണ് ആശുപത്രിയില്‍ കൊണ്ടുപോയത്. രാത്രി 12 മണിക്കു മാത്രമാണ് കോടതിയില്‍ ഹാജരാക്കിയതെന്നും പുലര്‍ച്ചെ മൂന്നു മണിക്ക് ജാമ്യം ലഭിച്ചുവെന്നും പരാതിയില്‍ പറയുന്നു. പോലിസ് നടപടിക്കെതിരേ ദേശീയ-സംസ്ഥാന മനുഷ്യാവകാശ കമ്മീഷനുകളിലും പരാതി നല്‍കാനാണ് വിദ്യാര്‍ഥികളുടെ തീരുമാനം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക