|    Jan 19 Thu, 2017 3:47 am
FLASH NEWS

ബാലരാമപുരത്ത് ഗുണ്ടാസംഘം വീടും കാറും അടിച്ചുതകര്‍ത്തു

Published : 18th February 2016 | Posted By: SMR

ബാലരാമപുരം: പോലിസിനു പരാതി നല്‍കിയതിലുള്ള അമര്‍ഷം മൂലം ഗുണ്ടാസംഘം വീടും കടയും അടിച്ചുതകര്‍ത്തു. ബാലരാമപുരം ഐത്തിയൂര്‍ മണ്ണാര്‍കുന്ന് വീട്ടില്‍ ഉണ്ണിയുടെ വീടാണ് അടിച്ചുതകര്‍ത്തത്.
ഉണ്ണിയുടെ ഭാര്യ ബിന്ദുവിനെ ആക്രമിക്കുകയും കഴുത്തില്‍ നിന്നു മാല പൊട്ടിച്ചതായും പരാതിയുണ്ട്. ഉണ്ണിയുടെ സുഹൃത്ത് കോട്ടംവിളാകത്ത് വീട്ടില്‍ വിജയന്റെ അംബാസഡര്‍ കാറും ഗുണ്ടകള്‍ തകര്‍ത്തു. ചൊവ്വാഴ്ച രാത്രി 10 മണിയോടെയാണ് അക്രമം നടന്നത്. കഴിഞ്ഞ ഒരാഴ്ച മുമ്പ് മണ്ണാറകുന്ന് ഭാഗത്തു വച്ച് മാരകായുധങ്ങളുമായി റോഡില്‍ നിന്ന് അക്രമികളെ കണ്ട് കാറിന്റെ ഹെഡ്‌ലൈറ്റ് അണയ്ക്കാത്തതിന് ഡ്രൈവര്‍ വിജയനെ മൂന്നംഗസംഘം വണ്ടി തടഞ്ഞ് ആക്രമിക്കുകയും വാഹനത്തിന്റെ ഗ്ലാസ് അടിച്ചുതകര്‍ക്കുകയും ചെയ്തിരുന്നു. ഇതിനെക്കുറിച്ച് പ്രതികളുടെ വിവരം രേഖപ്പെടുത്തി ബാലരാമപുരം പോലിസില്‍ പരാതി നല്‍കിയതിലുള്ള അമര്‍ഷം മൂലമാണ് കഴിഞ്ഞ ദിവസം അക്രമം നടത്തിയത്.
അക്രമത്തില്‍ വീടിന്റെ ജനാലഗ്ലാസുകളും ഫര്‍ണിച്ചറുകളും തകര്‍ത്തു. കാര്‍ തകര്‍ത്തവര്‍ ഗ്ലാസ് അടിച്ചുതകര്‍ക്കുകയും വാഹനം തീവയ്ക്കാനും ശ്രമം നടത്തി. പ്രതികള്‍ പ്രദേശത്തെ സ്ഥിരം ക്രിമിനലുകളാണ്. മദ്യവും മയക്കുമരുന്നും ഉപയോഗിച്ച് പകല്‍സമയത്തുപോലും ഇതുവഴി പോകുന്ന സ്ത്രീകളെ അസഭ്യവര്‍ഷം നടത്താറുണ്ട്. ഈ സംഘത്തെ ചോദ്യം ചെയ്താല്‍ നാട്ടുകാര്‍ക്കു നേരെയും അക്രമം നടത്തും ഇത് ഭയന്ന് ആരും മിണ്ടാറില്ല. പോലിസിനു പ്രതികളെക്കുറിച്ച് വ്യക്തമായ ധാരണയുണ്ടെങ്കിലും ഇതുവരെ യാതൊരുവിധ നടപടിയെടുത്തിട്ടില്ല. നിരവധി കേസിലെ പ്രതികളാണ് ഇവര്‍.

Share on FacebookShare on Google+Tweet about this on TwitterShare on LinkedIn
(Visited 76 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക