|    Oct 16 Tue, 2018 12:36 am
FLASH NEWS
Home   >  Todays Paper  >  Page 4  >  

ബാലഭാസ്‌കര്‍ വെന്റിലേറ്ററില്‍ തന്നെ തുടരുന്നു

Published : 1st October 2018 | Posted By: kasim kzm

തിരുവനന്തപുരം: വാഹനാപകടത്തില്‍ പരിക്കേറ്റ് തിരുവനന്തപുരത്തെ സ്വകാര്യ ആശുപത്രിയില്‍ ചികില്‍സയില്‍ കഴിയുന്ന സംഗീതജ്ഞന്‍ ബാലഭാസ്‌കറിന്റെ നിലയില്‍ നേരിയ പുരോഗതി. ബാലഭാസ്‌കറും ഭാര്യ ലക്ഷ്മിയും വെന്റിലേറ്ററില്‍ തന്നെയാണ്.
ബാലഭാസ്‌കറിനെ ചികില്‍സിക്കാന്‍ ഡല്‍ഹി എയിംസില്‍ നിന്ന് ഡോക്ടറെത്തുന്നുണ്ട്. എയിംസിലെ ന്യൂറോ സര്‍ജനെ അയയക്കാമെന്ന് കേന്ദ്രമന്ത്രി ജെ പി നദ്ദ ഉറപ്പുനല്‍കിയതായി ശശി തരൂര്‍ എംപി അറിയിച്ചു. രക്തസമ്മര്‍ദം സാധാരണ നിലയിലായിട്ടുണ്ട്. രക്തസമ്മര്‍ദം നിയന്ത്രിക്കുന്നതിനുള്ള ഉപകരണം മാറ്റാന്‍ കഴിഞ്ഞു. ശ്വസന പ്രക്രിയ ഉപകരണ സഹായത്തോടെയാണ്. ഇതിലും ഗുണപരമായ മാറ്റമുണ്ടായാല്‍ ചികില്‍സയുടെ അടുത്ത ഘട്ടത്തിലേക്കു കടക്കും. ബാലഭാസ്—കറിന്റെ വലതുകാല്‍ ശാസ്ത്രക്രിയക്കു വിധേയമാക്കി. ഭാര്യ ലക്ഷ്മിയുടെ ആരോഗ്യനില തൃപ്തികരമാണ്. ഡ്രൈവര്‍ അനൂപിന്റെ ആരോഗ്യനിലയും മെച്ചപ്പെട്ടിട്ടുണ്ടെന്ന് ആശുപത്രി അധികൃതര്‍ അറിയിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss