|    May 29 Mon, 2017 3:32 pm
FLASH NEWS

ബാര്‍ ലൈസന്‍സ്: മുഖ്യമന്ത്രിയെ പരിഹസിച്ച് പിണറായി’

Published : 19th April 2016 | Posted By: SMR

തിരുവനന്തപുരം: കൂടുതല്‍ ഹോട്ടലുകള്‍ക്ക് ബാര്‍ ലൈസന്‍സ് നല്‍കിയ തീരുമാനം മദ്യനിരോധനം സാധ്യമാക്കാനുള്ളതാണോയെന്ന് മുഖ്യമന്ത്രി ഉമ്മന്‍ചാണ്ടി വ്യക്തമാക്കണമെന്ന് സിപിഎം പിബി അംഗം പിണറായി വിജയന്‍. കൂടുതല്‍ മദ്യശാലകള്‍ അനുവദിച്ചാണോ ഘട്ടംഘട്ടമായി മദ്യനിരോധനം നടപ്പാക്കുന്നതെന്നും തന്റെ ഫേസ്ബുക്ക് പേജിലൂടെ പിണറായി പരിഹസിച്ചു. കോഴയില്‍ അധിഷ്ഠിതമായ മദ്യനയമാണ് ഉമ്മന്‍ചാണ്ടി സര്‍ക്കാര്‍ നടപ്പാക്കുന്നത്. ജനങ്ങളെ കബളിപ്പിക്കാനുള്ള മദ്യവിരോധ പ്രസംഗവും ഈ കള്ളക്കളിയും എങ്ങനെ ഒത്തുപോവുമെന്നും പിണറായി ചോദിക്കുന്നു. യുഡിഎഫിന്റെ മദ്യനയം തട്ടിപ്പും വോട്ടുനേടാനുള്ള വിലകുറഞ്ഞ തന്ത്രവുമാണ്. ബാര്‍കോഴയില്‍ കുടുങ്ങി ഒരു മന്ത്രിക്കു രാജിവയ്‌ക്കേണ്ടി വന്ന കാപട്യമാണ് മദ്യനയമെന്ന പേരില്‍ യുഡിഎഫ് അവതരിപ്പിക്കുന്നത്. മദ്യം എന്ന വിപത്തിനെ ചെറുക്കാനും ജനങ്ങളെ മദ്യത്തിന്റെ പിടിയില്‍ നിന്നു മോചിപ്പിക്കാനുമുള്ള നിശ്ചയദാര്‍ഢ്യം ഇടതുപക്ഷത്തിനാണുള്ളത്. സംസ്ഥാനത്തു പ്രവര്‍ത്തിക്കുന്ന മദ്യവര്‍ജന സമിതികളെയും മദ്യവിരുദ്ധ പ്രവര്‍ത്തകരെയും അണിനിരത്തി മദ്യവിപത്ത് ചെറുക്കാന്‍ എല്‍ഡിഎഫ് പ്രതിജ്ഞാ ബദ്ധമാണെന്നും അദ്ദേഹം പറയുന്നു.

 

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day