|    Apr 23 Mon, 2018 1:51 pm
FLASH NEWS

ബാര്‍ ആക്രമണം; ചെറുകുന്ന് സ്വദേശി അറസ്റ്റില്‍

Published : 13th March 2018 | Posted By: kasim kzm

പഴയങ്ങാടി: താവത്തെ പ്രതീക്ഷ ബാര്‍ അടിച്ചുതകര്‍ത്ത സംഭവത്തില്‍ ചെറുകുന്ന് സ്വദേശി അറസ്റ്റില്‍. പൂങ്കാവ് സ്വദേശി എ എം ജിജിലി(30)നെയാണ് കണ്ണപുരം എസ്‌ഐ ശ്രീജേഷ് പിടികൂടിയത്. സംഭവത്തില്‍ കണ്ടാലറിയാവുന്ന 15 പേര്‍ക്കെതിരേ കേസെടുത്തു. ശനിയാഴ്ച്ച അര്‍ധരാത്രിയാണ് സംഭവം. ബാര്‍ അടയ്ക്കാന്‍ നേരമെത്തിയ 15 അംഗ മുഖംമൂടി ധാരികള്‍ ജനല്‍ചില്ലുകള്‍, മുന്‍ ഭാഗത്തെ വാതില്‍ ഉള്‍പ്പെടെ അടിച്ചുതകര്‍ക്കുകയായിരുന്നു. കഴിഞ്ഞ ദിവസം ബാറില്‍നിന്ന് അര ലിറ്റര്‍ മദ്യം മോഷ്ടിച്ചെന്ന ആരോപണത്തെ തുടര്‍ന്നുണ്ടായ സംഘര്‍ഷത്തില്‍ യുവാവിന് പരിക്കേല്‍ക്കുകയുണ്ടായി. മൂന്നര ലക്ഷം രൂപയുടെ നഷ്ടം കണക്കാക്കുന്നതായി മാനേജര്‍ വി എം ദിലീപ് പോലിസില്‍ നല്‍കിയ പരാതിയില്‍ പറയുന്നു. തളിപ്പറമ്പ് തൃച്ഛംബരത്ത് എസ്എഫ്‌ഐ പ്രവര്‍ത്തകരെ വെട്ടിപ്പരിക്കേല്‍പ്പിച്ച സംഭവത്തിലെ പ്രതികളും ബാര്‍ തകര്‍ത്തതില്‍ പ്രതികളാണെന്ന് പോലിസ് പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss