|    Sep 26 Wed, 2018 6:31 am
FLASH NEWS
Home   >  National   >  

ബാബരി മസ്ജിദ് വിഷയത്തില്‍ സിറിയ പരാമര്‍ശം: ശ്രീ ശ്രീ രവിശങ്കറിനെതിരെ പരാതി;നടപടിയെടുക്കാതെ പോലീസ്

Published : 9th March 2018 | Posted By: mi.ptk

ഹൈദരാബാദ്: ബാബരി മസ്ജിദ് വിഷയത്തില്‍ സിറിയ പരാമര്‍ശം നടത്തിയ ജീവനകലാ ആചാര്യന്‍ ശ്രീശ്രീ രവിശങ്കറിനെതിരെ പരാതി. സാമൂഹ്യപ്രവര്‍ത്തകനായ സെയ്ത് ഫയാസുദ്ദീനാണ് ഹൈദരാബാദ് പോലീസില്‍ പരാതി നല്‍കിയത്.എന്നാല്‍ പരാതിയില്‍ ഇതുവരെ പോലീസ് നടപടിയെടുത്തിട്ടില്ല.

ബാബറി മസ്ജിദ് കേസില്‍ ഹിന്ദുക്കള്‍ക്ക് അനുകൂലമായ വിധി കോടതിയില്‍ നിന്നുണ്ടായില്ലെങ്കില്‍ ഇന്ത്യ സിറിയയായി മാറുമെന്നാണ് രവിശങ്കര്‍ പറഞ്ഞത്. ഇത് ന്യൂനപക്ഷങ്ങള്‍ക്കെതിരായ വെല്ലുവിളിയാണെന്നും രക്തച്ചൊരിച്ചില്‍ നടത്താന്‍ പാകത്തിന് രാജ്യത്തെ ഹിന്ദുക്കളെ പ്രകോപിപ്പിക്കുന്നതാണെന്നും പരാതിയല്‍ സെയ്ത് ആരോപിച്ചു.
തങ്ങള്‍ സുപ്രികോടതിയെ ബഹുമാനിക്കുന്നു. എന്നാല്‍ രവിശങ്കര്‍ കോടതിയെ ഭീഷണിപ്പെടുത്തുകയാണെന്നും ഭീകരവാദത്തെ പ്രോത്സാഹിപ്പിക്കുന്ന കുറ്റത്തിന് ഇത്തരം ആളുകള്‍ അറസ്റ്റ് ചെയ്യപ്പെടണമെന്നും സെയ്ത് പരാതിയില്‍ പറഞ്ഞു.പോലീസ് കേസെടുക്കാന്‍ തയ്യാറാകുന്നില്ലെങ്കില്‍ നേരിട്ട് കോടതിയെ സമീപിക്കുമെന്നും സെയ്ത് കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss