|    Jul 22 Sat, 2017 2:34 pm
FLASH NEWS
Home   >  Todays Paper  >  page 11  >  

ബാഡ്മിന്റണ്‍: ഇന്ത്യ ക്വാര്‍ട്ടര്‍ ഫൈനലില്‍

Published : 18th February 2016 | Posted By: SMR

ഹൈദരാബാദ്: ആധികാരിക ജയത്തോടെ ഇന്ത്യ ഏഷ്യന്‍ ബാഡ്മിന്റണ്‍ ടീം ചാംപ്യന്‍ഷിപ്പിന്റെ ക്വാര്‍ട്ടര്‍ ഫൈനലില്‍ കടന്നു. സിംഗപ്പൂരിനെ 5-0നു മുക്കിയായിരുന്നു ഇന്ത്യന്‍ കുതിപ്പ്.
ആദ്യ കളിയില്‍ ചൈനയോട് തോറ്റ ശേഷമാണ് രണ്ടാമത്തെ മല്‍സരത്തില്‍ ഗംഭീര ജയവുമായി ഇന്ത്യ തിരിച്ചുവന്നത്.
സിംഗപ്പൂരിനെതിരേ കെ ശ്രീകാന്തിലൂടെയാണ് ഇന്ത്യ അക്കൗണ്ട് തുറന്നത്. സി ലിയാങ് ഡെറക് വോങിനെ 21-16, 12-21, 21-13നാണ് ശ്രീകാന്ത് തകര്‍ത്തത്.രണ്ടാമത്തെ കളിയില്‍ അജയ് ജയറാം 21-11, 21-18ന് കീന്‍ യേവ് ലോഹിനെ തോല്‍പ്പിച്ചു.
ഡബിള്‍സില്‍ മനു അത്രി- സുമീത് റെഡ്ഡി സഖ്യം 21-15, 21-14ന് യോങ് കെയ് ടെറി- കീ ന്‍ ഹീന്‍ ജോടിയെ പരാജയപ്പെടുത്തി. മറ്റൊരു ഡബിള്‍സില്‍ മലയാളി താരം എച്ച്എസ് പ്രണോയ്-അക്ഷയ് ദേവല്‍ക്കര്‍ ജോടി 21-14, 21-13ന് ഡാനി ബവ-ഹെന്‍ഡ്ര വിജയ സഖ്യത്തെ തുരത്തിയപ്പോള്‍ അവസാന സിംഗിള്‍സില്‍ പ്രണോയ് 21-10, 21-12ന് സിന്‍ റയാനെ കീഴടക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക