|    May 21 Mon, 2018 2:34 pm
FLASH NEWS
Home   >  Todays Paper  >  page 12  >  

ബാങ്ക് തട്ടിപ്പ്: മൂന്ന് കമ്പനി ഉടമകള്‍ അറസ്റ്റില്‍

Published : 19th April 2018 | Posted By: kasim kzm

അഹ്മദാബാദ്: ബാങ്കുകളുടെ കണ്‍സോര്‍ഷ്യത്തെ 2,654 കോടി രൂപ വഞ്ചിച്ച കേസില്‍ വഡോദര കേന്ദ്രീകരിച്ച് പ്രവര്‍ത്തിക്കുന്ന ഡയമണ്ട് പവര്‍ ഇന്‍ഫ്രാസ്ട്രക്ചര്‍ ലിമിറ്റഡിന്റെ (ഡിപിഐഎല്‍) മൂന്ന് ഉടമസ്ഥരെ സിബിഐയും ഗുജറാത്ത് തീവ്രവാദവിരുദ്ധ സേനയും (എടിഎസ്) സംയുക്തമായി അറസ്റ്റ് ചെയ്തു. എസ് എന്‍ ഭാട്‌നഗര്‍, മക്കളായ അമിത്, സുമിത് എന്നിവരെയാണ് രാജസ്ഥാനിലെ ഉദയ്പൂരില്‍ നിന്ന് അറസ്റ്റ് ചെയ്തത്. ഇലക്ട്രിക് കേബിളുകളും ഇലക്ട്രിക് ഉപകരണങ്ങളുമാണ് ഡിപിഐഎല്‍ നിര്‍മിക്കുന്നത്.  ഉടമകളെ പിടികൂടാന്‍ സിബിഐ തങ്ങളുടെ സഹായം തേടിയിരുന്നുവെന്ന് മുതിര്‍ന്ന എടിഎസ് ഉദ്യോഗസ്ഥന്‍ അറിയിച്ചു. ഉടമകള്‍ ഒളിച്ചുകഴിയുന്നുണ്ടെന്ന വിവരം കിട്ടിയതനുസരിച്ച് ഉദയ്പൂരിലെ ഒരു ഹോട്ടല്‍ റെയ്ഡ് ചെയ്യുകയായിരുന്നുവെന്ന് അദ്ദേഹം പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss