|    Oct 23 Mon, 2017 12:57 am
Home   >  Todays Paper  >  page 10  >  

ബാങ്കോക്കിലേക്കു ദിവസേന സര്‍വീസുകളുമായി എയര്‍ ഏഷ്യ

Published : 16th March 2016 | Posted By: SMR

കൊച്ചി: കൊച്ചിയില്‍ നിന്നു ദിവസവും ബാങ്കോക്കിലേക്കുള്ള ആദ്യ ഡയറക്റ്റ് വിമാന സര്‍വീസുമായി തായ് എയര്‍ ഏഷ്യ. മെയ് 17ന് ആരംഭിക്കുന്ന സര്‍വീസിന് ഒരു വശത്തേക്ക് 2999 രൂപ മുതലുള്ള ഓഫറുകളാണ് അവതരിപ്പിക്കുന്നത്.
പുതിയ വിമാനങ്ങളുടെ അവതരണത്തോടനുബന്ധിച്ചാണ് 2999 രൂപയുടെ പ്രൊമോഷനല്‍ ഓഫറുകള്‍ അവതരിപ്പിച്ചിരിക്കുന്നത്. മെയ് 17 മുതല്‍ 22 വരെയുള്ള വിമാനസര്‍വീസിന് ഇന്നുമുതല്‍ മാര്‍ച്ച് 27വരെ എയര്‍ ഏഷ്യ വെബ്‌സൈറ്റ് വഴി (ംംം.മശൃമശെമ. രീാ) ബുക്ക് ചെയ്യാം. ബാങ്കോക്ക് എന്നതിലുപരി തായ്‌ലന്‍ഡിലെ ഇരുപതിലേറെ സ്ഥലങ്ങളുമായി ബന്ധിപ്പിക്കാനും തായ് എയര്‍ ഏഷ്യക്ക് സാധിക്കും. ഫുകെറ്റിലെയും ക്രാബിലെയും ലോകപ്രശസ്ത ബീച്ചുകളും വടക്കേ തായ്‌ലന്റിലെ ഹരിതാഭമായ പാറക്കൂട്ടങ്ങളും ചിയാങ് റായ്യുമെല്ലാം ഇതില്‍ ഉള്‍പ്പെടുന്നു. യാത്രക്കാര്‍ക്ക് അന്താരാഷ്ട്ര കേന്ദ്രങ്ങളായ ഹോങ്കോങ്, ഹോ ചി മിന്‍ സിറ്റി, ഹനോയ്, സിയെം റീപ്, മ്യാന്‍മര്‍, മന്‍ഡലായ്, ലുവാങ് പ്രബാങ് തുടങ്ങിയ പ്രധാന നഗരങ്ങളിലേക്കും വളരെ വേഗം എത്താനാവുമെന്നതും സവിശേഷതയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക