|    Dec 15 Fri, 2017 9:24 pm
FLASH NEWS

ബാങ്കിന്റെ നടപടിക്കെതിരേ കിടപ്പാട മാര്‍ച്ച് നാളെ

Published : 27th October 2017 | Posted By: fsq

 

പറവൂര്‍: ഇടപ്പള്ളിയിലെ മാനാത്തുപാടം ഷാജിയുടെ കുടുംബത്തെ കുടിയിറക്കുന്നതിനുള്ള എച്ച്ഡിഎഫ്‌സി ബാങ്കിന്റെ നടപടിക്കെതിരേ നാളെ കിടപ്പാട മാര്‍ച്ച് നടത്തുമെന്ന് സംഘാടക സമിതി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സ്‌നേഹിതന് ബിസിനസ് ആവശ്യത്തിന് രണ്ടു ലക്ഷം രൂപ വായ്പയെടുക്കാന്‍ ഷാജി ഈടു നല്‍കിയ വസ്തുവാണ് വായ്പാ കുടിശ്ശിക രണ്ടു കോടി മുപ്പതു ലക്ഷമായെന്നു പറഞ്ഞാണ് ബാങ്ക് 38 ലക്ഷം രൂപക്ക് റിയല്‍ എസ്റ്റേറ്റ് മാഫിയക്ക് ലേലം ചെയ്തു നല്‍കിയത്. പത്തടിപ്പാലം കിംസ് ആശുപത്രിക്ക് സമീപമുള്ള പണയവസ്തുവിന് രണ്ടരക്കോടി രൂപ മാര്‍ക്കറ്റ് വിലവരും. ഇതാണ് ചുളുവിലക്ക് ബാങ്ക് വിറ്റിട്ടുള്ളത്. ഇതോടെ ഷാജിയുടെ കുടുംബം തെരുവിലെറിയപ്പെട്ടിരിക്കയാണെന്ന് സംഘാടകര്‍ ചൂണ്ടിക്കാട്ടി. 90 ദിവസമായി ഷാജിയുടെ വീട്ടില്‍ ചിതയൊരുക്കി നടത്തിവരുന്ന സമരത്തിന്റെ ഭാഗമായിട്ടാണ് കിടപ്പാട മാര്‍ച്ച് സംഘടിപ്പിച്ചിട്ടുള്ളത്. ശനിയാഴ്ച്ച രാവിലെ 10 നു പാനായിക്കുളം ജങ്—ഷനില്‍ നിന്നും കൊട്ടുവഴങ്ങയിലേക്കു നടക്കുന്ന മാര്‍ച്ച് പുതുവൈപ്പ് ഐഒസി സമരനേതാവ് മാഗ്—ലിന്‍ ഫിലോമിന ഉദ്ഘാടനം ചെയ്യും. വി ഡി സതീശന്‍ എംഎല്‍എ മുഖ്യപ്രഭാഷണം നടത്തും. സര്‍ഫാസി വിരുദ്ധ ജനകീയ പ്രസ്ഥാനത്തിന്റെ നേതൃത്വത്തില്‍ നടത്തുന്ന മാര്‍ച്ചില്‍ മാനാത്തുപാടം പാര്‍പ്പിട സംരക്ഷണ സമിതി, സര്‍ഫാസി ബാങ്ക്— ജപ്തി വഞ്ചനക്കെതിരായ സമിതി, ബ്ലേഡ് ബാങ്ക് ജപ്തി വിരുദ്ധ സമിതി തുടങ്ങിയ സംഘടനകളും പങ്കെടുക്കുന്നുണ്ട്. വാര്‍ത്താ സമ്മേളനത്തില്‍ പി ജെ മാനുവല്‍, വി സി ജെന്നി, പി യു ആരിദ്, രെജുമോന്‍ കെ വി പങ്കെടുത്തു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക