|    Apr 20 Fri, 2018 10:26 pm
FLASH NEWS

ബസ്സുടമകള്‍ ആദിവാസികളോട് നടത്തിയ വെല്ലുവിളി അപലപനീയമെന്ന്

Published : 8th April 2018 | Posted By: kasim kzm

കാഞ്ഞങ്ങാട്: ദലിത്-ആദിവാസികള്‍ നടത്തുന്ന ഹര്‍ത്താലിന് ബസ് ഓടിക്കുമെന്ന് പറഞ്ഞ ബസ് ഓണേഴ്‌സ് അസോസിയേഷന് സ്വന്തമായി ഒരു വാഹനം പോലുമില്ലാത്ത ആദിവാസികളോട് നടത്തിയ വെല്ലുവിളി അപലപനീയമാണെന്നും ഈ വെല്ലുവിളി ദലിത് ആദിവാസികള്‍ ഏറ്റെടുക്കുമെന്നും ദലിത് മഹാസഭ സംസ്ഥാന പ്രസിഡന്റ് പികെ രാമന്‍ പറഞ്ഞു. ബസ് യാത്രക്കാരില്‍ ഭൂരിഭാഗം പേരും ദലിത് ആദിവാസികളാണ്. നാളിതു വരെ കേരളത്തില്‍ നടത്തിയിട്ടുള്ള ഒറ്റ ഹര്‍ത്താലിന് പോലും ബസ്് ഓടിക്കുമെന്ന് ബസ് ഓണേഴ്‌സ് അസോസിയേഷന്‍ പറഞ്ഞിട്ടില്ല. അതുകൊണ്ട് തന്നെ ഇത് തങ്ങളോടുള്ള വിവേചനമാണെന്ന് പികെ രാമന്‍ കൂട്ടിച്ചേര്‍ത്തു.
അതേ സമയം ഹര്‍ത്താലില്‍ ഹൊസ്ദുര്‍ഗ് താലൂക് ബസ് ഓപ്പറേറ്റര്‍സ് അസോസിയേഷന്‍ സഹകരിക്കില്ലെന്ന് ഭാരവാഹികള്‍ വ്യക്തമാക്കി. സംസ്ഥാന ഫെഡറേഷന്‍ തീരുമാനമനുസരിച്ച് താലൂക്കില്‍ മുഴുവന്‍ ബസുകളും പതിവ്‌പോലെ സര്‍വീസ് നടത്തുമെന്ന് അസോസിയേഷന്‍ അറിയിച്ചു. തുടര്‍ച്ചയായുള്ള ഹര്‍ത്താലുകള്‍ ബസ് മേഖലക്ക് വലിയ നഷ്ടമാണു ഉണ്ടാക്കുന്നതെന്നും തൊഴിലാളികള്‍ക്കു ഉല്‍സവ ബത്ത നല്‍കാന്‍പോലും സാധികാത്ത വിഷമസന്ധിയിലാണ് ബസുടമകളെന്നും താലൂക്ക് ഭാരവാഹികള്‍ പത്രക്കുറിപ്പില്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss