|    Nov 20 Tue, 2018 4:16 am
FLASH NEWS
Home   >  Todays Paper  >  Page 4  >  

ബസ്സില്‍ കടത്തിയ എട്ടുകിലോ ചന്ദനം പിടികൂടി

Published : 18th June 2017 | Posted By: fsq

 

പാറശ്ശാല: ബസ്സില്‍ നിന്നും എട്ട് കിലോ ചന്ദനത്തടികള്‍ കണ്ടെത്തി. തമിഴ്‌നാട്ടിലെ മണ്ടക്കാട് നിന്നും തിരുവനന്തപുരത്തേക്ക് വരുകയായിരുന്ന തമിഴ്‌നാട് ട്രാന്‍സ്‌പോര്‍ട്ട് ബസ്സിന്റെ സീറ്റിനടിയില്‍ ഒരടിനീളത്തില്‍ മുറിച്ച് 12 കഷണങ്ങളാക്കി ബാഗിനുള്ളില്‍ നിറച്ച നിലയിലാണ് ചന്ദനത്തടികള്‍ കണ്ടെത്തിയത്. അമരവിള വാണിജ്യനികുതി ചെക് പോസ്റ്റിലായിരുന്നു സംഭവം. ഇതു കടത്തിയതിനു പിന്നില്‍ ആരാണെന്ന് കണ്ടെത്തിയിട്ടില്ല.  അതേസമയം, ചന്ദനത്തടിക്കു പിന്നാലെ നിരവധി ലഹരി ഉല്‍പന്നങ്ങള്‍ പിടികൂടിയ അമരവിള ചെക്‌പോസ്റ്റിലെ വാണിജ്യനികുതി വകുപ്പ് ഓഫിസറായ തിരുവനന്തപുരം വഞ്ചിയൂര്‍ സ്വദേശിയായ അജിത്കുമാര്‍ അജ്ഞാതരുടെ ഫോണ്‍ ഭീഷണിയുള്ളതായി പോലിസില്‍ പരാതി നല്‍കി. കര്‍ണാടകത്തിലെ ഫോണ്‍ നമ്പറിലാണ് ഭീഷണി എത്തുന്നത്. സൈബര്‍ സെല്ലിന്റെ സഹായത്തോടെ അനേഷണം ആരംഭിച്ചതായി പോലിസ് പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss