|    Oct 17 Tue, 2017 5:55 am
FLASH NEWS
Home   >  National   >  

ബജറ്റ് ; ചെലവുകുറഞ്ഞ വീടുകള്‍ക്കു പ്രോല്‍സാഹനം

Published : 29th February 2016 | Posted By: swapna en

ന്യൂഡല്‍ഹി: രാജ്യത്തെ നാലു മെട്രോ നഗരങ്ങളില്‍ 30 ചതുരശ്ര മീറ്റര്‍ വരെയും മറ്റു നഗരങ്ങളില്‍ 60 ചതുരശ്ര മീറ്റര്‍ വരെയും വലിപ്പുമുള്ള ഫഌറ്റുകള്‍ നിര്‍മിക്കുന്ന സ്ഥാപനങ്ങള്‍ക്ക് ആദായനികുതിയില്‍ നൂറു ശതമാനം ഇളവ് അനുവദിക്കുമെന്ന് ബജറ്റില്‍ പ്രഖ്യാപനം. 2016 ജൂണ്‍ മുതല്‍ 2019 മാര്‍ച്ച് വരെയുള്ള കാലയളവില്‍ അനുമതി ലഭിച്ചതും അനുമതി കിട്ടി മൂന്നു വര്‍ഷത്തിനകം പൂര്‍ത്തിയാക്കപ്പെടുന്നതുമായ പദ്ധതികള്‍ക്കാണ് ഇളവ് ലഭിക്കുക. എന്നാല്‍, ഈ സ്ഥാപനങ്ങള്‍ക്ക് തവണയായുള്ള നികുതി ബാധകമായിരിക്കും.
ആദ്യമായി വീടു വാങ്ങുന്നവര്‍ക്കു പലിശയിളവു നല്‍കാനും വ്യവസ്ഥയുണ്ട്്. അടുത്ത സാമ്പത്തിക വര്‍ഷം അനുവദിക്കുന്ന 35 ലക്ഷം രൂപ വരെയുള്ള ഗാര്‍ഹികവായ്പകള്‍ക്ക് പ്രതിവര്‍ഷം അധികപ്പലിശയില്‍ 50,000 രൂപയുടെ വരെ ഇളവനുവദിക്കും. കേന്ദ്ര, സംസ്ഥാന ഗവണ്‍മെന്റുകളുടെ പി.പി.പി. ഉള്‍പ്പെടെയുള്ള എല്ലാ പദ്ധതികളിലും പെടുത്തി നിര്‍മിക്കുന്ന 60 ചതുരശ്ര അടി വരെ വിസ്തീര്‍ണമുള്ള വീടുകള്‍ക്കു സേവന നികുതി ഒഴിവാക്കും. റെഡി മിക്‌സ് കോണ്‍ക്രീറ്റിന്റെ എക്‌സൈസ് നികുതി ഒഴിവാക്കുമെന്നും ബജറ്റില്‍ പ്രഖ്യാപനമുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക