|    Jan 16 Mon, 2017 10:49 pm
FLASH NEWS

ബഗ്ദാദിയുടെ ഘാതകനെ വിവാഹം ചെയ്യും: ഈജിപ്ഷ്യന്‍ നടി

Published : 20th February 2016 | Posted By: SMR

കെയ്‌റോ: സായുധസംഘമായ ഐഎസിന്റെ തലവന്‍ അബൂബക്കര്‍ അല്‍ ബഗ്ദാദിയെ വധിക്കുന്നയാളെ വിവാഹം കഴിക്കാന്‍ ഒരുക്കമാണെന്നു പ്രമുഖ ഈജിപ്ഷ്യന്‍ നടി എല്‍ഹാം ഷാഹിന്‍. മേഖലയിലെ സമാധാന പുനസ്ഥാപനത്തിനാണ് ഇത്തരമൊരു വാഗ്ദാനവുമായി താന്‍ മുന്നോട്ടു വന്നതെന്നും ഷാഹിന്‍ പറഞ്ഞു.
ബഗ്ദാദിയെ വധിക്കുന്നയാളെ വിവാഹം ചെയ്യാന്‍ താന്‍ ഒരുക്കമാണ്. അയാള്‍ ആരാണെന്നുള്ളത് തന്റെ വിഷയമല്ല- വാര്‍ത്താസമ്മേളനത്തില്‍ ഷാഹിന്‍ പറഞ്ഞു. ഈജിപ്തിലെ പ്രമുഖ നടികളില്‍ ഒരാളായ ഷാഹിന്‍ നിരവധി സിനിമകളിലും സീരിയലുകളിലും അഭിനയിച്ചിട്ടുണ്ട്. ഇവര്‍ക്ക് നിരവധി ഈജിപ്ഷ്യന്‍, അന്താരാഷ്ട്ര പുരസ്‌കാരങ്ങള്‍ ലഭിച്ചിട്ടുണ്ട്. വിവാഹത്തിന്റെ മുഴുവന്‍ ചെലവും താന്‍ വഹിക്കുമെന്നും തന്നെ വിവാഹം കഴിക്കുന്നയാളുടെ ഇഷ്ടങ്ങളായിരിക്കും തന്റെ ഇഷ്ടമെന്നും അയാളുടെ വേലക്കാരിയാവാന്‍ പോലും താന്‍ തയ്യാറാവുമെന്നും ഷാഹിന്‍ പറഞ്ഞു.
ബഗ്ദാദിയെ വധിക്കുന്ന ധീരനൊപ്പം എവിടേക്കു പോവാനും തയ്യാറാണ്. ബഗ്ദാദിയുടെ മരണത്തോടെ പശ്ചിമേഷ്യയില്‍ സമാധാനം കൈവരുമെന്നു വിശ്വസിക്കുന്നതായും 55കാരിയായ ഷാഹിന്‍ വ്യക്തമാക്കി. ബഗ്ദാദിയെ ജീവനോടെയോ അല്ലാതെയോ പിടിക്കാന്‍ സഹായിക്കുന്നവര്‍ക്ക് യുഎസും വന്‍ തുക ഇനാം പ്രഖ്യാപിച്ചിരുന്നു.

Share on FacebookShare on Google+Tweet about this on TwitterShare on LinkedIn
(Visited 94 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക