|    Jan 17 Tue, 2017 10:50 pm
FLASH NEWS

ബംഗ്ലാദേശ് ഫാക്ടറി അപകടം: കോടതി കൂട്ട അറസ്റ്റിന് ഉത്തരവിട്ടു

Published : 22nd December 2015 | Posted By: SMR

ധക്ക: ബംഗ്ലാദേശില്‍ വസ്ത്രഫാക്ടറി തകര്‍ന്ന് 1100ഓളം ആളുകള്‍ മരിക്കാനിടയായ സംഭവത്തില്‍ 24 പേരെ അറസ്റ്റ് ചെയ്യാന്‍ കോടതി ഉത്തരവിട്ടു. ഇവരുടെ സ്വത്തുവകകള്‍ കണ്ടുകെട്ടാനും ഉത്തരവിട്ടിട്ടുണ്ട്. അപകടം അവിചാരിതമായി ഉണ്ടായതാണെന്നു തെളിയിക്കുന്നതില്‍ ഇവര്‍ പരാജയപ്പെട്ടതിനു പിന്നാലെയാണ് കോടതിയുടെ ഉത്തരവ്. മജിസ്‌ട്രേറ്റ് മുഹമ്മദ് അല്‍ അമീന്‍ ആണ് കൊലക്കുറ്റത്തിന് 24 പേര്‍ക്കെതിരേ അറസ്റ്റ് വാറന്റ് പുറപ്പെടുവിച്ചത്.
2013 ഏപ്രിലിലായിരുന്നു കേസിനാസ്പദമായ സംഭവം നടന്നത്. ലോകത്തിലെ തന്നെ ഏറ്റവും വലിയ വ്യവസായ അപകടങ്ങളിലൊന്നായിരുന്നു ഇത്. കേസില്‍ 41 പേര്‍ക്കെതിരേയുള്ള കുറ്റപത്രം കോടതി ഫയലില്‍ സ്വീകരിച്ചു. കോടതിയില്‍ ഹാജരാവാത്ത 24 പേര്‍ക്കെതിരേയാണ് അറസ്റ്റ് വാറന്റ് പുറപ്പെടുവിച്ചിരിക്കുന്നതെന്ന് പ്രോസിക്യൂട്ടര്‍ അന്‍വറുല്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 45 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക