|    May 28 Sun, 2017 8:52 pm
FLASH NEWS

ബംഗ്ലാദേശില്‍ ഹിന്ദു പുരോഹിതനെ കൊലപ്പെടുത്തി

Published : 8th June 2016 | Posted By: SMR

ധക്ക: ബംഗ്ലാദേശില്‍ ഹിന്ദു പുരോഹിതനെ അജ്ഞാതര്‍ കൊലപ്പെടുത്തി. ആനന്ദ ഗോപാല്‍ ഗാംഗുലി (65) എന്നയാളാണു പടിഞ്ഞാറന്‍ ജിനെയ്ഗ ജില്ലയില്‍ കൊല്ലപ്പെട്ടത്.
സംഭവത്തിനുശേഷം പോലിസ് വ്യാപകമായി നടത്തിയ തിരച്ചിലിനിടെ പോലിസുമായുണ്ടായ ഏറ്റുമുട്ടലില്‍ ജമാഅത്തുല്‍ മുജാഹിദ്ദീന്‍ ബംഗ്ലാേദശ് (ജെഎംബി) അംഗങ്ങളെന്നു സംശയിക്കുന്ന മൂന്നുപേര്‍ കൊല്ലപ്പെട്ടതായും പോലിസ് വൃത്തങ്ങള്‍ അറിയിച്ചു.
ഗാംഗുലി ക്ഷേത്രദര്‍ശനത്തിനു പോവുന്നവഴിയില്‍ ബൈക്കിലെത്തിയ മൂന്ന് അക്രമികളാണ് അദ്ദേഹത്തെ കൊലപ്പെടുത്തിയതെന്ന് പോലിസ് സൂപ്രണ്ട് ഗോപിനാഥ് കാന്‍ജിലാല്‍ അറിയിച്ചു. കഴുത്തില്‍ ആഴത്തില്‍ വെട്ടേറ്റാണു മരണം. ന്യൂനപക്ഷങ്ങള്‍ക്കെതിരേ രാജ്യത്തു ദിനംപ്രതിയെന്നോണം നടക്കുന്ന ആക്രമണങ്ങളില്‍ ഒടുവിലത്തെ സംഭവമാണിത്.
ഞായറാഴ്ച ഒരു ക്രിസ്ത്യന്‍ വ്യാപാരിയും നിരോധിത മുസ്‌ലിം സംഘടനയ്‌ക്കെതിരേ നടപടിയെടുത്ത മുതിര്‍ന്ന പോലിസ് ഉദ്യോഗസ്ഥന്റെ ഭാര്യയും കൊല്ലപ്പെട്ടിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day