|    May 20 Sun, 2018 5:44 pm
FLASH NEWS
Home   >  Todays Paper  >  Page 1  >  

ബംഗ്ലാദേശില്‍ ഉരുള്‍പൊട്ടല്‍ ; 92 പേര്‍ കൊല്ലപ്പെട്ടു

Published : 14th June 2017 | Posted By: fsq

 

ധക്ക: തെക്കുകിഴക്കന്‍ ബംഗ്ലാദേശില്‍ പേമാരിയെ തുടര്‍ന്നുണ്ടായ ഉരുള്‍പൊട്ടലിലും പ്രളയത്തിലും അഞ്ചു സൈനികര്‍ ഉള്‍പ്പെടെ 92 പേര്‍ കൊല്ലപ്പെട്ടതായി ഔദ്യോഗികവൃത്തങ്ങള്‍ അറിയിച്ചു. ഇന്ത്യന്‍ അതിര്‍ത്തിയോടു ചേര്‍ന്നുള്ള ഹൈറേഞ്ച് ജില്ലയായ രംഗമതിയിലെ ഗോത്രവിഭാഗമാണ് കൊല്ലപ്പെട്ടവരില്‍ ഏറെയും. ഇവിടെ വീടുകള്‍ക്കു മുകളില്‍ മണ്ണിടിഞ്ഞുവീണ് 30ഓളം പേര്‍ കൊല്ലപ്പെട്ടു. വീടുകളില്‍ ഉറങ്ങിക്കിടന്നവരാണ് അപകടത്തില്‍പ്പെട്ടത്. മരിച്ചവരിലേറെയും സ്ത്രീകളാണ്. രക്ഷാപ്രവര്‍ത്തനം തുടരുകയാണ്. രംഗമതിയെ കൂടാതെ ബന്ദര്‍ബന്‍, ചിറ്റഗോങ് ജില്ലകളിലും ഉരുള്‍പൊട്ടല്‍ നാശം വിതച്ചു. മോശം കാലാവസ്ഥ കാരണം മിക്ക ദുരന്തബാധിത മേഖലകളിലും ഇതുവരെ എത്തിപ്പെടാന്‍ സാധിച്ചിട്ടില്ലെന്നു ഡിസാസ്റ്റര്‍ മാനേജ്‌മെന്റ് വിഭാഗം മേധാവി റഈസ് അഹ്മദ് പറഞ്ഞു. മഴ ഒഴിയുന്നതോടെ മാത്രമേ ദുരന്തത്തിന്റെ വ്യാപ്തി വിലയിരുത്താനാവൂ. മരണസംഖ്യ ഉയരുമെന്നു സംശയിക്കുന്നതായും അദ്ദേഹം പറഞ്ഞു. ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദത്തെ തുടര്‍ന്ന് ദക്ഷിണ മേഖലയില്‍ ശക്തമായ മഴ തുടരുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss