|    Jan 23 Mon, 2017 9:53 am
FLASH NEWS

ബംഗളൂരു സ്‌ഫോടനക്കേസ്: രണ്ട് പേര്‍ക്കെതിരേ കുറ്റപത്രം നല്‍കി

Published : 11th May 2016 | Posted By: SMR

കൊച്ചി: സാക്ഷികളെ സ്വാധീനിക്കാന്‍ ശ്രമിക്കുകയും ദേശവിരുദ്ധ പ്രവര്‍ത്തനത്തിന് വിദേശത്തുനിന്നും സഹായം തേടുകയും ചെയ്ത കേസില്‍ ബംഗളൂരു സ്‌ഫോടനക്കേസ് പ്രതികളായ രണ്ടു പേര്‍ക്കെതിരേ പോലിസ് കുറ്റപത്രം നല്‍കി.
രണ്ടും മൂന്നും പ്രതികളായ പെരുമ്പാവൂര്‍ വെങ്ങോല അല്ലപ്ര പൂത്തിരി ഹൗസില്‍ ഷഹനാസ് എന്ന അബ്ദുല്ല (22), കണ്ണൂര്‍ സിറ്റി സ്വദേശി തസ്‌ലിം (38) എന്നിവര്‍ക്കെതിരേയാണ് പോലിസ് എറണാകുളം പ്രിന്‍സിപ്പല്‍ സെഷന്‍സ് കോടതിയില്‍ കുറ്റപത്രം നല്‍കിയത്. നസീറിനെ ഈ കേസില്‍ ഇതുവരെ ചോദ്യം ചെയ്യാന്‍ കഴിയാത്തതിനാല്‍ ഇയാളെ ഒഴിവാക്കിയാണ് കുറ്റപത്രം തയ്യാറാക്കിയിരിക്കുന്നത്.
ഇന്ത്യന്‍ മുജാഹിദീന്റെ പ്രവര്‍ത്തനങ്ങള്‍ നടത്താന്‍ സഹായം അഭ്യര്‍ഥിച്ചും പിന്തുണ ആവശ്യപ്പെട്ടും മെയില്‍ അയച്ചതായും ബംഗളൂരു കേസിലെ സാക്ഷികളെ സ്വാധീനിച്ചുവെന്നുമാണ് പ്രതികള്‍ക്കെതിരായ കേസ്. ഒന്നാം പ്രതി വിധ്വംസക പ്രവര്‍ത്തനങ്ങള്‍ നടത്താന്‍ നിര്‍ദേശം നല്‍കിയതായും കുറ്റപത്രത്തില്‍ ആരോപിക്കുന്നു.

Share on FacebookShare on Google+Tweet about this on TwitterShare on LinkedIn
(Visited 55 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക