|    Mar 23 Thu, 2017 10:06 am
FLASH NEWS

ഫ്‌ളോറിഡയില്‍ നരഭോജികളായ നൈല്‍ മുതലകളെ കണ്ടെത്തി

Published : 22nd May 2016 | Posted By: SMR

വാഷിങ്ടണ്‍: യുഎസിലെ ഫ്‌ളോറിഡയില്‍ മനുഷ്യനെ ഭക്ഷിക്കുന്ന മുതലകളെ കണ്ടെത്തിയതായി റിപോര്‍ട്ട്. 18 അടി വരെ നീളത്തില്‍ വളരുന്ന, ഒരു കാറിനോളം ഭാരം വരുന്ന നൈല്‍ മുതലകള്‍ ക്രൊക്കഡൈല്‍ നിലോട്ടിക്കസ് എന്ന വിഭാഗത്തില്‍ പെടുന്നവയാണ്.
ദക്ഷിണാഫ്രിക്കയാണ് ഇവയുടെ സ്വദേശം. 2010-14 കാലയളവില്‍ ആഫ്രിക്കയില്‍ മനുഷ്യനുനേരെ 480ഓളം തവണ നൈല്‍ മുതലകള്‍ ആക്രമണം നടത്തിയിട്ടുണ്ട്. ഇതില്‍ 123 പേര്‍ കൊല്ലപ്പെടുകയും ചെയ്തു. പലപ്പോഴും ഇവ മുതലകളെ തന്നെ ഭക്ഷണമാക്കാറുണ്ട്. ഫ്‌ളോറിഡയില്‍ നേരത്തേ കണ്ടെത്തിയ മൂന്നു മുതലക്കുഞ്ഞുങ്ങള്‍ നൈല്‍ മുതലകളാണെന്നു സ്ഥിരീകരിക്കുകയായിരുന്നു. ഫ്‌ളോറിഡ യൂനിവേഴ്‌സിറ്റിയിലെ ഗവേഷകര്‍ ഡിഎന്‍എ പരിശോധനയിലൂടെയാണ് ഇതു കണ്ടെത്തിയത്.
ദക്ഷിണാഫ്രിക്കന്‍ മേഖലയില്‍ കണ്ടുവരുന്ന ഇവയ്ക്ക് ഫ്‌ളോറിഡയിലെ കാലാവസ്ഥയിലും ജീവിക്കാന്‍ സാധിക്കുമെന്നാണ് അനുമാനം. മൃഗശാലകളില്‍ പ്രദര്‍ശനത്തിനായി മഡഗാസ്‌കറില്‍ നിന്നും ആഫ്രിക്കയില്‍ നിന്നും മുതലകളെ ഫ്‌ളോറിഡയിലേക്ക് കൊണ്ടുവന്നിരുന്നു. ഇങ്ങനെയാവാം നൈല്‍ മുതലകള്‍ ഫ്‌ളോറിഡയിലെത്തിയതെന്നാണ് അനുമാനം.

(Visited 38 times, 1 visits today)
thanur-inner madani-inner abdulla-iner     PER Mazhappody-inner karimbu-inner                  
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക