|    Aug 16 Thu, 2018 11:40 am
Home   >  Todays Paper  >  page 7  >  

ഫ്‌ളൈ ഓവര്‍ അപകടം: നിലവാരം കുറഞ്ഞ നിര്‍മാണ രീതിയെന്ന്

Published : 17th May 2018 | Posted By: kasim kzm

വാരണാസി: 19 പേരുടെ മരണത്തിനിടയാക്കിയ വാരണാസി ഫ്‌ളൈ ഓവര്‍ അപകടത്തില്‍ ഉത്തര്‍പ്രദേശ് ബ്രിഡ്ജ് കോര്‍പറേഷന്‍ സംശയത്തിന്റെ നിഴലില്‍. പ്രധാനമന്ത്രി നരേന്ദ്രമോദിയുടെ മണ്ഡലത്തിലുണ്ടായ അപകടത്തിന്റെ കാരണം, നിര്‍മാണത്തിന് ബ്രിഡ്ജ് കോര്‍പറേഷന്‍ അധികൃതരുടെ മേല്‍നോട്ടമില്ലാതിരുന്നതിനാലാണെന്നു പുതിയ റിപോര്‍ട്ടുകള്‍ സൂചിപ്പിക്കുന്നു. ഫ്‌ളൈ ഓവര്‍ നിര്‍മാണത്തിന് ഉപയോഗിച്ചിരുന്ന അസംസ്‌കൃത വസ്തുക്കള്‍ വളരെ നിലവാരം കുറഞ്ഞതായിരുന്നുവെന്ന് വിദഗ്ധര്‍ ചൂണ്ടിക്കാട്ടി. തൊഴിലാളികള്‍ക്ക് ശരിയായ നിര്‍ദേശം നല്‍കാനോ നിര്‍മാണരീതി വിലയിരുത്താനോ അധികൃതര്‍ തയ്യാറായിരുന്നില്ലെന്നും വിമര്‍ശനമുണ്ട്. അതേസമയം സംഭവത്തില്‍ നാല് ഉദ്യോഗസ്ഥരെ സസ്‌പെന്‍ഡ് ചെയ്തു. കൂടുതല്‍ ഉദ്യോഗസ്ഥര്‍ക്കെതിരേ നടപടിയുണ്ടാവുമെന്നാണ് കരുതുന്നത്. എന്നാല്‍ അപകടത്തെ പ്രകൃതി ദുരന്തമായേ കണക്കാക്കാനാവൂവെന്ന് ബ്രിഡ്ജ് കോര്‍പറേഷന്‍ മാനേജിങ് ഡയറക്ടര്‍ രാജന്‍ മിത്തല്‍ പറഞ്ഞു. മേഖലയില്‍ നേരത്തെയുണ്ടായ കൊടുങ്കാറ്റിനെ തുടര്‍ന്ന്് ഫ്‌ളൈ ഓവറിന്റെ തൂണുകള്‍ക്ക് ബലക്ഷയം സംഭവിച്ചിരുന്നു. ഇതാണ് അപകടകാരണമായതെന്നും അദ്ദേഹം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss