|    Jan 19 Fri, 2018 11:17 am
FLASH NEWS
Home   >  Todays Paper  >  Page 4  >  

ഫ്‌ളാറ്റ് നിര്‍മാണത്തിനിടെ ബിഹാര്‍ സ്വദേശികള്‍ വീണു മരിച്ചു

Published : 15th March 2016 | Posted By: SMR

ആലുങ്ങാട് (കൊച്ചി): എറണാകുളത്ത് ഫഌറ്റ് നിര്‍മാണത്തിനിടയില്‍ ബിഹാര്‍ സ്വദേശികളായ രണ്ട് തൊഴിലാളികള്‍ വീണു മരിച്ചു. ബിഹാര്‍ കാലിയ ജില്ലയില്‍ മദന്‍ തോലബകില്‍ പ്രസാദിന്റെ മകന്‍ ബജറുകുമാര്‍ സിങ് (21) സുഹൃത്ത് സെല്‍ത്തുകുമാര്‍ സിങ്(18) എന്നിവരാണ് മരിച്ചത്.
ഇന്നലെ രാവിലെ 10 മണിയോടെ മറിയപ്പടിയിലായിരുന്നു അപകടം. നിര്‍മാണം നടക്കുന്ന ഫ്‌ളാറ്റിന്റെ പതിനൊന്നാം നിലയില്‍ നിന്നാണ് ഇവര്‍ താഴേക്കു വീണത്. ബജറുകുമാര്‍ സംഭവ സ്ഥലത്തു വച്ചും സെല്‍ത്തുകുമാര്‍ സിങ് എറണാകുളത്തെ സ്വകാര്യ ആശുപത്രിയില്‍ എത്തിച്ചു രണ്ടു മണിക്കൂറിനു ശേഷവുമാണ് മരിച്ചത്. മൃതദേഹങ്ങള്‍ ആലുവയിലെ സ്വകാര്യ ആശുപത്രി മോര്‍ച്ചറിയിലേക്കുമാറ്റി.
മതിയായ സുരക്ഷാ ക്രമീകരണങ്ങളില്ലാതെയാണ് ഫഌറ്റ് നിര്‍മാണം നടക്കുന്നതെന്നും സേഫ്റ്റി ബെല്‍റ്റ് പോലും നല്‍കാതെയാണ് തൊഴിലാളികളെ ജോലിക്കു നിയോഗിക്കുന്നതെന്നും നാട്ടുകാര്‍ പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day