|    Dec 18 Mon, 2017 6:21 pm
Home   >  Todays Paper  >  page 9  >  

ഫ്രാന്‍സില്‍ പള്ളിക്കു സുരക്ഷയൊരുക്കിയ സൈനികര്‍ക്കിടയിലേക്ക് കാര്‍ ഓടിച്ചു കയറ്റി

Published : 3rd January 2016 | Posted By: SMR

പാരിസ്: ദക്ഷിണ ഫ്രാന്‍സിലെ വലന്‍സില്‍ മസ്ജിദിനു സുരക്ഷയൊരുക്കിയ സൈനികര്‍ക്കിടയിലേക്ക് കാര്‍ ഓടിച്ചു കയറ്റി നടത്തിയ ആക്രമണത്തില്‍ സൈനികനും കാല്‍ നടയാത്രക്കാരനായ വൃദ്ധനും പരിക്കേറ്റു.
കാര്‍ ഡ്രൈവറെ ലക്ഷ്യമാക്കി സൈന്യം നടത്തിയ വെടിവയ്പിലാണ് വൃദ്ധന് പരിക്കേറ്റതെന്നു വലന്‍സ് മേയര്‍ നിക്കോളാസ് ദാരാഗണ്‍ അറിയിച്ചു. മസ്ജിദിനു മുമ്പില്‍ നാലു സൈനികരാണ് നിലയുറപ്പിച്ചിരുന്നത്. അമിത വേഗത്തിലെത്തിയ കാര്‍ സൈനികര്‍ക്കിടയിലേക്ക് ഓടിച്ചുകയറ്റുകയായിരുന്നു. കാര്‍ പിന്നോട്ടെടുത്ത് വീണ്ടും ആക്രമണത്തിനു ശ്രമിച്ച ഡ്രൈവര്‍ക്ക് സൈന്യത്തിന്റെ വെടിവയ്പില്‍ പരിക്കേറ്റു.
എന്നാല്‍, പരിക്ക് ഗുരുതരമല്ലെന്നു സര്‍ക്കാര്‍ അറിയിച്ചു. കഴിഞ്ഞ ദിവസം ഉച്ചയോടെയായിരുന്നു സംഭവം. പ്രാര്‍ഥനയ്ക്കായി നിരവധി വിശ്വാസികള്‍ ആ സമയം പള്ളിയില്‍ ഒരുമിച്ചു കൂടിയിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss