|    Sep 26 Wed, 2018 6:46 am
FLASH NEWS
Home   >  Todays Paper  >  page 9  >  

ഫ്രാന്‍സില്‍ പരിസ്ഥിതി പ്രവര്‍ത്തകരെ പോലിസ് ബലംപ്രയോഗിച്ച് ഒഴിപ്പിച്ചു

Published : 10th April 2018 | Posted By: kasim kzm

പാരിസ്: ഫ്രാന്‍സിലെ നാന്‍സില്‍ ആരംഭിക്കാനിരുന്ന പുതിയ വിമാനത്താവളത്തിനെതിരേ വ്യാപക പ്രതിഷേധം. പ്രദേശത്ത് തമ്പടിച്ച് പ്രതിഷേധിച്ച പരിസ്ഥിതി പ്രവര്‍ത്തകരെ ഫ്രഞ്ച് പോലിസ് ബലംപ്രയോഗിച്ച് ഒഴിപ്പിച്ചു.
നാന്‍സില്‍ നൂറുകണക്കിന് പേരാണ് പ്രതിഷേധവുമായി എത്തിയത്. പോലിസ് പ്രതിഷേധക്കാരെ ഒഴിപ്പിക്കാനായി കണ്ണീര്‍വാതകം പ്രയോഗിച്ചു. പോലിസുകാര്‍ക്ക് നേരെ കല്ലേറുണ്ടായതായും പറയുന്നു. പുതിയ വിമാനത്താവള പദ്ധതി വിവാദമായതിനെ തുടര്‍ന്ന് കഴിഞ്ഞ ജനുവരിയില്‍ സര്‍ക്കാര്‍ പദ്ധതി ഉപേക്ഷിച്ചിരുന്നു.
പ്രദേശത്ത് സാമ്പത്തിക വികസനമുണ്ടാവുമെന്ന പ്രതീക്ഷയില്‍ പദ്ധതിയെ പ്രാദേശിക രാഷ്ട്രീയ പ്രവര്‍ത്തകര്‍ അനുകൂലിക്കുകയായിരുന്നു. സ്ഥലം കൈയേറി നിരവധി പേരാണ് പ്രദേശത്ത് വസിക്കുന്നത്. വിമാനത്താവള പദ്ധതി ചെലവേറിയതും പരിസ്ഥിതിയെ നശിപ്പിക്കുന്നതുമാണെന്നാണ് പ്രതിഷേധക്കാര്‍ ആരോപിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss