|    Jul 20 Thu, 2017 10:13 pm
FLASH NEWS
Home   >  Todays Paper  >  page 11  >  

ഫ്രഞ്ച് ഓപണ്‍: വാവ്‌റിന്‍ക രണ്ടാം റൗണ്ടില്‍

Published : 24th May 2016 | Posted By: SMR

പാരിസ്: പുരുഷ വിഭാഗം സിംഗിള്‍സില്‍ നിലവിലെ ചാംപ്യനായ സ്വിറ്റ്‌സര്‍ലന്‍ഡിന്റെ സ്റ്റാനിസ്ലാസ് വാവ്‌റിന്‍ക ഫ്രഞ്ച് ഓപണ്‍ ടെന്നിസ് ടൂര്‍ണമെന്റിന്റെ രണ്ടാം റൗണ്ടിലേക്ക് മുന്നേറി.
അഞ്ച് സെറ്റുകള്‍ നീണ്ട വാശിയേറിയ പോരാട്ടത്തില്‍ ചെക്ക് റിപബ്ലിക്കിന്റെ ലുകാസ് റോസോളിനെ മറികടന്നാണ് മൂന്നാം സീഡ് കൂടിയായ വാവ്‌റിന്‍ക രണ്ടാം റൗണ്ടിലേക്ക് പ്രവേശിച്ചത്. ആദ്യ സെറ്റില്‍ തന്നെ വാവ്‌റിന്‍കയെ ഞെട്ടിച്ച റോസോള്‍ മൂന്നാം സെറ്റും തന്റെ വരുതിയിലാക്കി. എന്നാല്‍, ശക്തമായി തിരിച്ചടിച്ച വാവ്‌റിന്‍ക ടൂര്‍ണമെന്റിലെ ആദ്യ അട്ടിമറിയില്‍ നിന്ന് കരകയറുകയായിരുന്നു. സ്‌കോര്‍: 4-6, 6-1, 3-6, 6-3, 6-4. മല്‍സരം മൂന്ന് മണിക്കൂറും 11 മിനിറ്റും നീണ്ടുനിന്നു.
വനിതാ വിഭാഗം സിംഗിള്‍സില്‍ അഞ്ചാം സീഡായ ജപ്പാന്റെ കെയ് നിഷിങ്കോരി ഇറ്റലിയുടെ സിമോണ ബൊലെല്ലിയെ തോല്‍പ്പിച്ചു. സ്‌കോര്‍; 6-1, 7-5, 6-3. മറ്റൊരു മല്‍സരത്തില്‍ ചെക്ക് റിപബ്ലിക്കിന്റെ ലൂസിയ സഫറോവ 6-0, 6-2 എന്ന സ്‌കോറിന് റഷ്യയുടെ വിറ്റാലിയ ഡിയാചെന്‍കോയെ പരാജയപ്പെടുത്തി രണ്ടാം റൗണ്ടില്‍ കടന്നു. ഒന്നാംദിനത്തിന് സമാനമായി രണ്ടാംദിനവും മഴയെ തുടര്‍ന്ന് ചില മല്‍സരങ്ങള്‍ ഉപേക്ഷിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക