|    Nov 21 Wed, 2018 11:46 am
FLASH NEWS
Home   >  Todays Paper  >  page 11  >  

ഫ്രഞ്ച് ഓപണ്‍ : മിക്‌സഡ് ഡബിള്‍സ് കിരീടംബൊപ്പണ്ണ സഖ്യത്തിന്

Published : 9th June 2017 | Posted By: fsq

 

പാരിസ്: ഫ്രഞ്ച് ഓപണ്‍ ടെന്നിസ് ടൂര്‍ണമെന്റിന്റെ മിക്‌സഡ് ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണ- ഗബ്രിയേല ദെബ്രോവ്‌സ്‌ക്കി സഖ്യത്തിന് കിരീടം. ഫൈനലില്‍ ഏഴാം സീഡ് സഖ്യമായ ബൊപ്പണ്ണ സഖ്യം സീഡില്ലാ സഖ്യമായ അന്ന ഗ്രോനെഫെല്‍ഡ്- റോബര്‍ട്ട് ഫറ സഖ്യത്തെയാണ് പരാജയപ്പെടുത്തിയത്. സ്‌കോര്‍ 2-6, 6-2, 12-10.ആവേശം അതിരുകടന്ന ഫൈനലില്‍ കടുത്ത പോരാട്ടത്തിനൊടുവിലാണ് ബൊപ്പണ്ണ തന്റെ കന്നി ഗ്രാന്റ് സ്ലാം കിരീടം സ്വന്തമാക്കിയത്. കിരീട നേട്ടത്തോടെ ഗ്രാന്റ് സ്ലാം കിരീടം നേടുന്ന നാലാമത്തെ ഇന്ത്യക്കാരനെന്ന നേട്ടവും ബൊപ്പണ്ണ സ്വന്തം പേരിനൊപ്പം ചേര്‍ത്തു. ഇതിന് മുമ്പ് ലിയാണ്ടര്‍ പേസ്, മഹേഷ് ഭൂപതി, സാനിയ മിര്‍സ് എന്നിവരാണ് ഗ്രാന്റ് സ്ലാം കിരീടം നേടിയ മറ്റ് ഇന്ത്യന്‍ താരങ്ങള്‍.ആദ്യ സെറ്റ് 2-6ന് കൈവിട്ട ഇന്തോ- കാനഡ ജോഡി ശക്തമായ തിരിച്ചുവരവിലൂടെ അടുത്ത രണ്ട് സെറ്റും സ്വന്തമാക്കുകയായിരുന്നു. രണ്ടാം സെറ്റില്‍ ഐതിഹാസിക തിരിച്ചുവരവ് നടത്തിയ സഖ്യം 6-2ന് സെറ്റ് പിടിച്ചെടുത്തു. ആവേശം നിറഞ്ഞ ഫൈനല്‍ റൗണ്ടില്‍ ഇരുകൂട്ടരും ഒന്നിനൊന്ന് മികച്ച പ്രകടനം കാഴ്ചവച്ചെങ്കിലും 12-10ന് ബൊപ്പണ്ണ സഖ്യം വിജയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss