|    May 23 Tue, 2017 8:32 pm
FLASH NEWS

ഫ്രഞ്ച് ഓപണ്‍: ക്വിറ്റോവ രണ്ടാംറൗണ്ടില്‍

Published : 23rd May 2016 | Posted By: mi.ptk

petra

പാരിസ്: ചെക്ക് റിപബ്ലിക്കിന്റെ ലോക 10ാം നമ്പര്‍ വനിതാ താരം പെട്ര ക്വിറ്റോവ ഫ്രഞ്ച് ഓപണ്‍ ടെന്നിസ് ടൂര്‍ണമെന്റിന്റെ രണ്ടാംറൗണ്ടില്‍ കടന്നു. ഒന്നാം റൗണ്ടില്‍ മൊണ്ടെനെഗ്രോയുടെ ഡാന്‍ക കോവിനിക്കിനെ തോല്‍പ്പിച്ചാണ് ക്വിറ്റോവയുടെ മുന്നേറ്റം. മല്‍സരത്തില്‍ ഒന്നിനെതിരേ രണ്ട് സെറ്റുകള്‍ക്കായിരുന്നു ക്വിറ്റോവയുടെ ജയം. സ്‌കോര്‍: 6-2, 4-6, 7-5. അതേസമയം, പരിക്ക് മൂലം ടൂര്‍ണമെന്റില്‍ ഒരു മല്‍സരം പോലും കളിക്കാതെ പിന്‍മാറുന്ന താരങ്ങളുടെ എണ്ണം കൂടുകയാണ്. സ്വിറ്റ്‌സര്‍ലന്‍ഡിന്റെ റോജര്‍ ഫെഡററിനു പിന്നാലെ ഫ്രാന്‍സിന്റെ ഗേല്‍ മോന്‍ഫില്‍സാണ് പരിക്ക് മൂലം ടൂര്‍ണമെന്റിനില്ലെന്ന് പ്രഖ്യാപിച്ചത്. പുരുഷ വിഭാഗം സിംഗിള്‍സിലെ ആദ്യറൗണ്ടില്‍ ആസ്‌ത്രേലിയയുടെ നിക് ക്രഗിയോസ് ഇറ്റലിയുടെ മാര്‍കോ സെചിനാറ്റോയെ തോല്‍പ്പിച്ചു. സ്‌കോര്‍: 7-6, 7-6, 6-4.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day