|    Aug 20 Sun, 2017 7:49 am
FLASH NEWS
Home   >  Todays Paper  >  page 11  >  

ഫ്രഞ്ച് ഓപണ്‍സാനിയ സഖ്യം പുറത്ത് ; ബൊപ്പണ്ണയും പേസും മുന്നേറുന്നു

Published : 1st June 2017 | Posted By: fsq

 

പാരീസ്: ഫ്രഞ്ച് ഓപണ്‍ ടെന്നീസ് ടൂര്‍ണമെന്റില്‍ ഇന്ത്യന്‍ വനിതാ താരം സാനിയാ മിര്‍സയ്ക്ക് നിരാശ. വനിതാ ഡബിള്‍സില്‍ കസാക്കിസ്താന്‍ പാര്‍ട്ണര്‍ യരോസ്ലാവ ഷെദോവയും സാനിയയും ആദ്യ റൗണ്ടില്‍ തന്നെ പുറത്തായി. ആസ്‌ത്രേലിയന്‍- റഷ്യന്‍ ജോഡിയായ ഗരിയ ഗവ്രിലോവ- അനസ്താസിയ സഖ്യത്തോട് തോറ്റാണ് നാലാം സീഡ് സഖ്യം ഫ്രഞ്ച് ഓപണില്‍ നിന്ന് പുറത്തായത്. സ്‌കോര്‍: 6-7(5), 6-1, 2-6. അതേസമയം, ഇന്ത്യന്‍ പുരുഷ താരം രോഹന്‍ ബൊപ്പണ്ണ- പാബ്ലോ കുവാസ് സഖ്യം ജയം നേടി രണ്ടാംറൗണ്ടില്‍ കടന്നു. ഫ്രഞ്ച് ജോഡിയായ മാത്യസ് ബോര്‍ഷെ- പോള്‍ ഹെന്‍ട്രി സഖ്യത്തെ തോല്‍പിച്ചാണ് ഒമ്പതാം സീഡ് ഇന്തോ- ഉറുഗ്വേ ജോഡി രണ്ടാം റൗണ്ടിലെത്തിയത്. മറ്റൊരു ഇന്ത്യന്‍ താരം ലിയാന്‍ഡര്‍ പേസും അമേരിക്കന്‍ പാര്‍ട്ണര്‍ സ്‌കോട്ട് ലിപ്‌സികിനൊപ്പം വിജയം കണ്ടു. റഡു അല്‍ബോട്ട്- ഹ്യൂന്‍ ചുങ് സഖ്യത്തെ തോല്‍പിച്ചാണ് (7-6(5), 4-6, 6-2) പേസ് സഖ്യം രണ്ടാംറൗണ്ടിലേക്ക് യോഗ്യത നേടിയത്. പുരുഷ സിംഗിള്‍സില്‍ ബെല്‍ജിയം താരം ഡേവിഡ് ഗോഫി, വനിതാ വിഭാഗത്തില്‍ യുഎസിന്റെ വീനസ്് വില്ല്യംസ് എന്നിവര്‍ മൂന്നാം റൗണ്ടില്‍ കടന്നു. ഉക്രെയ്‌ന്റെ സെര്‍ജി സ്റ്റക്കോവ്‌സ്‌കിയെ 3-1 എന്ന സ്‌കോറിലാണ് ഡേവിഡ് ഗോഫി പരാജയപ്പെടുത്തിയത്. വനിതാ വിഭാഗത്തില്‍ ജാപ്പനീസ് താരം കുറുമി  നരെയെയാണ് വീനസ് പരാജയപ്പെടുത്തിയത്. സ്‌കോര്‍ 2-0. പുരുഷ വിഭാഗത്തിലെ മറ്റ് മല്‍സരങ്ങളില്‍ യുഎസിന്റെ ലോക 26ാം നമ്പര്‍ താരം ജോണ്‍സണ്‍, ക്രോട്ടിയയുടെ താരം ബോര്‍ന കോര്‍ണിക്കിനെ 3-1ന് തോല്‍പിച്ചു. മറ്റൊരു മല്‍സരത്തില്‍ ഇറ്റലി താരം സ്്‌റ്റേഫാനോ നെപ്പോളിറ്റാനോയെ അര്‍ജന്റീനന്‍ താരമായ ഡി ഷ്വാര്‍ട്്മാന്‍ 3-0 ന് പരാജയപ്പെടുത്തി.വനിതാ വിഭാഗം സിംഗിള്‍സില്‍ ആസ്‌ത്രേലിയയുടെ  22 ാം നമ്പര്‍ താരം സമന്ത സ്റ്റോസര്‍ ബെല്‍ജിയന്‍ താരം  ഫഌപ്‌കെന്‍സിനെ 2 -0ന് കീഴടക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക