|    May 30 Tue, 2017 4:38 am
FLASH NEWS

ഫ്രഞ്ച് ഓപണില്‍ ജോകോവിച്ചിന് കന്നിക്കിരീടം

Published : 6th June 2016 | Posted By: SMR

Novak-Djokovic-with-his-mai

പാരിസ്: ഫ്രഞ്ച് ഓപണ്‍ ടെന്നിസ് ടൂര്‍ണമെന്റില്‍ സെര്‍ബിയയുടെ ലോക ഒന്നാം നമ്പര്‍ താരം നൊവാക് ജോകോവിച്ചിന് കിരീടം. ഫൈനലില്‍ ബ്രിട്ടന്റെ ലോക രണ്ടാം നമ്പര്‍ താരം ആന്‍ഡി മുറേയെ പരാജയപ്പെടുത്തിയാണ് ജോകോവിച്ച് ഫ്രഞ്ച് ഓപണില്‍ ആദ്യമായി കിരീടം കൈക്കലാക്കിയത്.
മല്‍സരത്തില്‍ ആദ്യ സെറ്റ് കൈവിട്ടതിനു ശേഷമാണ് ജോകോവിച്ചിന്റെ തിരിച്ചുവരവ്. പിന്നീടുള്ള മൂന്ന് സെറ്റുകളിലും ജോകോവിച്ച് മുറേയെ നിഷ്പ്രഭമാക്കുകയായിരുന്നു. സ്‌കോര്‍: 3-6, 6-1, 6-2, 6-4.
ഈ വര്‍ഷം താരം നേടുന്ന രണ്ടാം ഗ്രാന്‍ഡ്സ്ലാം കിരീട നേട്ടം കൂടിയാണിത്. നേരത്തെ ആസ്‌ത്രേലിയന്‍ ഓപണിലും ജോകോവിച്ച് ചാംപ്യനായിരുന്നു. ഇതോടെ ഗ്രാന്‍ഡ്സ്ലാമില്‍ ജോകോവിച്ചിന്റെ കിരീട നേട്ടം 12 ആയി ഉയര്‍ന്നു.
മല്‍സരം മൂന്ന് മണിക്കൂര്‍ നീണ്ടുനിന്നു. മുറേയുടെ കന്നി ഫ്രഞ്ച് ഓപണ്‍ ഫൈനലായിരുന്നു ഇത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day