|    Aug 18 Sat, 2018 2:29 pm
FLASH NEWS

ഫോണ്‍വഴി തട്ടിപ്പ്: യുവതി പരാതി നല്‍കി

Published : 23rd June 2018 | Posted By: kasim kzm

മഞ്ചേരി:  ഫോണിലൂടെ ബന്ധം സ്ഥാപിക്കുകയും സ്വര്‍ണവും പണവും കടം വാങ്ങി വഞ്ചിച്ചുവെന്നുമുള്ള യുവതിയുടെ പരാതിയില്‍ യുവാവിനെതിരേ മഞ്ചേരി പോലിസ് കേസെടുത്തു. കോട്ടക്കല്‍ സ്വാഗതമാട് സ്വദേശി തൗഹീദിനെതിരെയാണ് വഞ്ചനാ കുറ്റം ചാര്‍ത്തിയത്. വള്ളുവമ്പ്രത്തെ കടയില്‍ ജോലി ചെയ്യുന്ന യുവതിയെ പ്രതി ഫോണിലൂടെ ബന്ധം സ്ഥാപിക്കുകയും പലപ്പോഴായി പത്തുപവന്‍ തൂക്കം വരുന്ന സ്വര്‍ണാഭരണങ്ങളും 24,000 രൂപയും കൈപ്പറ്റി തിരികെ നല്‍കാതെ വഞ്ചിച്ചുവെന്നുമാണ് കേസ്. കരുവാരക്കുണ്ട് സ്വദേശിനിയെ സമാനരീതിയില്‍ വഞ്ചിക്കുകയും ബലാല്‍സംഗത്തിന് ഇരയാക്കുകയും ചെയ്തുവെന്ന കേസില്‍ പ്രതി ജയിലിലായതോടെയാണ് യുവതി തട്ടിപ്പ് മനസ്സിലാക്കിയതും പരാതി നല്‍കിയതും.
മഞ്ചേരി സബ്ജയിലില്‍ കഴിയുന്ന പ്രതിയെ പോലിസ് ഇന്ന് ഫോര്‍മല്‍ അറസ്റ്റ് രേഖപ്പെടുത്തും. തെളിവെടുപ്പിനും അന്വേഷണത്തിനുമായി പ്രതിയെ കസ്റ്റഡിയില്‍ ആവശ്യപ്പെടുമെന്ന് പോലിസ് പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss