|    May 24 Thu, 2018 1:24 pm
FLASH NEWS

ഫോണിലൂടെ അശ്ലീലം; സിപിഎം നേതാവിനെതിരേ വീട്ടമ്മയുടെ പരാതി

Published : 3rd February 2018 | Posted By: kasim kzm

നെടുങ്കണ്ടം: സിപിഎം ലോക്കല്‍ കമ്മിറ്റി അംഗത്തിനെതിരെ ഫോണിലൂടെ അശ്ലീല സന്ദേശം അയച്ചതിനെതിരെ വീട്ടമ്മ പരാതി നല്‍കി. ഹൈറേഞ്ച് മേഖലയിലെ പ്രദേശിക ലോക്കല്‍ കമ്മിറ്റി അംഗത്തിനെതിരെയാണ് പ്രദേശവാസിയായ വീട്ടമ്മ പരാതി നല്‍കിയത്. ലോക്കല്‍ കമ്മിറ്റിയംഗം വീട്ടമ്മയുടെ ഫോണിലേക്കു നിരന്തരമായി അശ്ലീല എസ്എംഎസ് അയച്ചതിനെ തുടര്‍ന്ന് ഗത്യന്തരമില്ലാതെ വീട്ടമ്മ പ്രദേശിക നേതാവിനെതിരെ പരാതി നല്‍കുകയായിരുന്നു. അശ്ലീല സന്ദേശങ്ങള്‍ അയക്കുന്നതിനെതിരെ വീട്ടമ്മ താക്കീത് ചെയ്തിട്ടും രാത്രിയിലും പകലും ശല്യം രൂക്ഷമാവുകയാണുണ്ടായത്. ശല്യം രൂക്ഷമായതോടെയാണ് വീട്ടമ്മ പരാതിയുമായി രംഗത്തെത്തിയത്.സംഭവത്തെക്കുറിച്ച് അധികൃതര്‍ അന്വേഷണം ആരംഭിച്ചു. ഇതിനിടെ വീട്ടമ്മയെ അനുനയിപ്പിച്ച് കേസ് പിന്‍വലിക്കാനുള്ള ശ്രമങ്ങളും ഊര്‍ജിതമായി. വനിതാ സെല്‍ ജീവനക്കാരും വീട്ടമ്മയില്‍ നിന്ന് മൊഴിയെടുത്തു. സംഭവം നാണക്കേടായതോടെ വിഷയത്തില്‍ ഇടപെട്ട് നേതാവിനെതിരെ സിപിഎം നടപടിയെടുക്കാനൊരുങ്ങുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss