|    Jun 26 Mon, 2017 2:24 am
FLASH NEWS
Home   >  Todays Paper  >  Page 4  >  

ഫൈസല്‍ വധം: രണ്ടു പ്രതികളെ ദൃക്‌സാക്ഷികള്‍ തിരിച്ചറിഞ്ഞു

Published : 17th February 2017 | Posted By: fsq

faisal-kodinhi-new

തിരൂരങ്ങാടി: കൊടിഞ്ഞി ഫൈസല്‍ വധക്കേസില്‍ റിമാന്‍ഡില്‍ കഴിയുന്ന രണ്ടു പ്രതികളെ ദൃക്‌സാക്ഷികള്‍ തിരിച്ചറിഞ്ഞു. കേസിലെ മുഖ്യസൂത്രധാരനും തിരൂര്‍ തൃക്കണ്ടിയൂര്‍ സ്വദേശിയുമായ മഠത്തില്‍ നാരായണ(48)നെയും ഫൈസലിന്റെ വയറിന് കുത്തിയെന്നു പറയപ്പെടുന്ന തിരൂര്‍ കുട്ടിച്ചാത്തന്‍കാവില്‍ കുണ്ടില്‍ ബാബുവിന്റെ മകന്‍ ബിബി(26)നെയുമാണ് ദൃക്‌സാക്ഷികള്‍ തിരിച്ചറിഞ്ഞത്. തിരൂര്‍ ജയിലില്‍ ഇന്നലെ വൈകീട്ട് നാലോടെയായിരുന്നു തിരിച്ചറിയല്‍ പരേഡ്്. ഫൈസലിനെ വധിക്കുന്നത് നേരില്‍ കണ്ട ആറ് സാക്ഷികളും ബിബിനെ തിരിച്ചറിഞ്ഞു. കൃത്യം നടത്തുന്നതിനു മുമ്പ് പലതവണയായി കൊടിഞ്ഞിയിലെത്തിയ നാരായണനെ തലേദിവസം കൊലയാളിസംഘത്തോടൊപ്പം വിവിധ സ്ഥലങ്ങളില്‍ കണ്ടവരാണ് ഇയാളെ തിരിച്ചറിഞ്ഞത്. സംഭവശേഷം ബിജെപി ആര്‍എസ്എസ് കേന്ദ്രങ്ങളില്‍ കഴിയുകയായിരുന്ന നാരായണന്‍ മറ്റു കൂട്ടുപ്രതികള്‍ പിടിയിലായതോടെ കീഴടങ്ങുകയായിരുന്നു.  തെളിവെടുപ്പിന് പ്രതികളെ കസ്റ്റഡിയില്‍ വിട്ടുകട്ടാന്‍ അന്വേഷണസംഘം കോടതിയില്‍ അപേക്ഷ നല്‍കും. മറ്റു പ്രതികളുടെ തെളിവെടുപ്പ് നേരത്തേ പൂര്‍ത്തിയാക്കിയിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക