|    Nov 16 Fri, 2018 7:15 am
FLASH NEWS
Home   >  News now   >  

ഫെഡ് കപ്പ് കിരീടം യുഎസിന്

Published : 13th November 2017 | Posted By: ev sports

മിന്‍സ്‌ക് (ബലാറസ്): 18ാമത് ഫെഡ് കപ്പ് വനിതാ ടെന്നിസ് കിരീടം യുഎസിന്. നാലു വനിതാ സിംഗിള്‍സ് പൂര്‍ത്തിയാകുമ്പോള്‍ യുഎസും ബലാറസും 2-2 എന്ന നിലയിലായിരുന്നു. ഇരു കൂട്ടര്‍ക്കും നിര്‍ണായകമായ അവസാന ഇനമായ വനിതാ ഡബിള്‍സ് മല്‍സരത്തില്‍ യുഎസിനു വേണ്ടി റാക്കറ്റേന്തിയ കോക്കോ വാന്‍ഡവെഗയും ശെല്‍ബി റോജേഴ്‌സും ചേര്‍ന്ന് യുഎസിന് കിരീടം സമ്മാനിക്കുകയായിരുന്നു. വനിതാ ഡബിള്‍സ് ഫൈനലില്‍ ബെലാറസിന്റെ ആര്യ സബലെങ്ക- അലിയക്‌സാന്‍ഡ്ര സാസ്‌നോവിച് സഖ്യത്തെ 6-3, 7-6 എന്ന സ്‌കോറുകള്‍ക്ക് പരാജയപ്പെടുത്തിയാണ് യുഎസ് കിരീടം സ്വന്തമാക്കിയത്. നേരത്തെ ഫൈനലിന്റെ തുടക്കത്തില്‍ ബെലാറസിന്റെ സാസ്‌നോവിച്ചിനെ നേരിട്ടുള്ള രണ്ട് സെറ്റുകള്‍ക്ക് തോല്‍പിച്ച് വാന്‍ഡവെഗ യു എസിന് 1-0 ന്റെ ലീഡ് നല്‍കിയിരുന്നു. പിന്നീട് ബലാറസിനു വേണ്ടി കോര്‍ട്ടിലിറങ്ങിയ സബലങ്ക യുഎസിന്റെ സ്ലൊവാനി സ്റ്റീഫന്‍സിനെ 6-3, 3-6, 6-4 എന്ന സ്‌കോറുകള്‍ക്ക് പരാജയപ്പെടുത്തി ഫലം 1-1 എന്ന സമനിലയിലാക്കി. എന്നാല്‍ വാന്‍ഡവഗയും സബലങ്കയും ഏറ്റുമുട്ടിയപ്പോള്‍ വാന്‍ഡവെഗ സെബലേങ്കയെ 7-6, 6-1 എന്ന നേരിട്ടുള്ള സെറ്റുകള്‍ക്ക് പരാജയപ്പെടുത്തി മല്‍സരം 2-1 എന്ന നിലയില്‍ എത്തിച്ചിരുന്നു. സ്ലൊവാനി സ്റ്റീഫന്‍സിനെ സാസ്‌നോവിച്ച് 4-6, 6-1, 8-6 എന്ന സ്‌കോറിനു തോല്‍പിച്ച് ബലാറസിന് വേണ്ടി 2-2 ന്റെ സമനില നേടിക്കൊടുത്തു.  യുഎസിന്റെ 18ാം ഫെഡ്കപ്പ് കിരീടമാണിത്. 1995 വരെ ഫെഡറേഷന്‍ കപ്പ് എന്ന നാമധേയത്തിലറിയപ്പെട്ട ഈ ടൂര്‍ണമെന്റ് പിന്നീടാണ് ഫെഡ് കപ്പ് എന്നറിയപ്പെട്ടത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss