|    Jun 23 Sat, 2018 12:30 am
FLASH NEWS
Home   >  Todays Paper  >  page 11  >  

ഫെഡറേഷന്‍ കപ്പ് : ഇന്ന് സെമിഫൈനല്‍

Published : 14th May 2017 | Posted By: fsq

 

കൊല്‍ക്കത്ത: ഫെഡറേഷന്‍ കപ്പ് ഫുട്‌ബോള്‍ ടൂര്‍ണമെന്റില്‍ ഇന്ന് സെമിഫൈനല്‍ മല്‍സരങ്ങള്‍. ആദ്യ സെമിയില്‍ ഐലീഗ് ചാംപ്യന്മാരായ ഐസ്വാള്‍ എഫ്‌സി ബംഗളൂരുവിനെതിരേ മല്‍സരിക്കും. ഐസ്വാളിന്റെ ഹോംഗ്രൗണ്ടായ രാജീവ് ഗാന്ധി സ്‌റ്റേഡിയത്തിലാണ് മല്‍സരം. ആവേശകരമായ രണ്ടാംസെമിയില്‍ കൊല്‍ക്കത്തന്‍ ഡെര്‍ബി അരങ്ങേറും. കൊല്‍ക്കത്തയിലെ പ്രശസ്തമായ ബറാസാത് സ്റ്റേഡിയത്തിലാണ് മോഹന്‍ ബഗാനും ഈസ്റ്റ് ബംഗാളും മുഖാമുഖം ഏറ്റുമുട്ടുന്നത്. ഇന്ന് വൈകീട്ട് നാല് മണിക്കും ഏഴ് മണിക്കുമാണ് മല്‍സരങ്ങള്‍. ഗ്രൂപ്പ് ഘട്ടത്തില്‍ മൂന്നില്‍ രണ്ട് മല്‍സരങ്ങളില്‍ ജയവും ഒരു സമനിലയും നേടി അപരാജിതരായാണ് ഐസ്വാള്‍ സെമിയില്‍ കടന്നത്. എ ഗ്രൂപ്പിലെ രണ്ടാംസ്ഥാനക്കാരായി നോക്കൗട്ടില്‍ കടന്ന ഈസ്റ്റ് ബംഗാള്‍ രണ്ട് സമനില വഴങ്ങിയിരുന്നു. ബി ഗ്രൂപ്പില്‍ മോഹന്‍ ബഗാന്റേതും അപരാജിത കുതിപ്പാണ്. അവസാന മല്‍സരത്തില്‍ സമനില വഴങ്ങിയ ബഗാനും ഐസ്വാളിനെ പോലെ ഏഴ് പോയിന്റുണ്ട്. സെമിയിലെത്തിയ ടീമില്‍ ബംഗളൂരു മാത്രമാണ് ഗ്രൂപ്പ് ഘട്ടത്തില്‍ തോല്‍വി അറിഞ്ഞിട്ടുള്ളത്. ശിവജിയന്‍സിനെതിരായ രണ്ടാം മല്‍സരത്തില്‍ ഏകപക്ഷീയമായ രണ്ട് ഗോളില്‍ ബംഗളൂരു തോറ്റു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss