|    Jan 21 Sun, 2018 10:31 pm
FLASH NEWS
Home   >  Todays Paper  >  Page 5  >  

ഫാഷിസത്തിന് എതിരേ പോരാട്ടം ശക്തമാക്കണം: വിമന്‍ ഇന്ത്യ

Published : 12th January 2018 | Posted By: kasim kzm

കോഴിക്കോട്: സംഘപരിവാര ഹുങ്കുകള്‍ക്കെതിരേ കണ്ണടച്ച്, അക്രമങ്ങള്‍ക്ക് അവസരമൊരുക്കുകയാണ് ഇടതും വലതും പക്ഷങ്ങളെന്ന് വിമന്‍ ഇന്ത്യാ മുവ്‌മെന്റ് സംസ്ഥാന കമ്മിറ്റി അഭിപ്രായപ്പെട്ടു.
ഒറ്റക്കെട്ടായി നിന്ന് രാജ്യം നേരിടുന്ന യഥാര്‍ഥ പ്രശ്‌നങ്ങള്‍ക്ക് പരിഹാരം നല്‍കുന്നതിന് പകരം ജനങ്ങളെ തമ്മിലടിപ്പിച്ച് ഫാഷിസ്റ്റുകള്‍ക്ക് അവസരമൊരുക്കുകയാണിവര്‍. നാഗ്പൂരില്‍ ഉയര്‍ന്ന ജാതിക്കാരുടെ സ്ഥലത്ത് നിന്ന് വിറക് ശേഖരിച്ചതിന് 12കാരിയായ ദലിത് പെണ്‍കുട്ടിയെ അതിക്രൂരമായി കൊന്നതും ഞാന്‍ മുസ് ലിംകളെ ഇഷ്ടപ്പെടുന്നുവെന്ന് പറഞ്ഞതിന് സംഘപരിവാരം 20 കാരിയായ ബിരുദ വിദ്യാര്‍ഥിനിയെ ആത്മഹത്യ ചെയ്യിപ്പിച്ചതും രാജ്യത്തിന്റെ അപകടകരമായ അവസ്ഥയാണ് സൂചിപ്പിക്കുന്നത്. നാടിന്റെ ഏത് പ്രതിസന്ധികളിലും ഇരകളാവുന്നത് സ്ത്രീകളാണെന്നിരിക്കെ രാജ്യത്തെ കലാപഭൂമിയാക്കുന്ന സംഘപരിവാര കുബുദ്ധികളെ കരുതിയിരിക്കാന്‍ സ്ത്രീ സമൂഹം തയ്യാറാവണം. സംസ്ഥാന പ്രസിഡന്റ് റൈഹാനത്ത് അധ്യക്ഷത വഹിച്ചു. ജനറല്‍ സെക്രട്ടറി എന്‍ കെ സുഹ്‌റാബി സെക്രട്ടറിമാരായ ചന്ദ്രിക ആലപ്പുഴ, ജമീല വയനാട്, സുഫിറ കണ്ണൂര്‍ എന്നിവര്‍ പങ്കെടുത്തു

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day