|    Jul 23 Sun, 2017 10:31 am
Home   >  Todays Paper  >  page 9  >  

ഫലൂജയിലകപ്പെട്ട് 50,000 ഇറാഖികള്‍

Published : 29th May 2016 | Posted By: mi.ptk

ബഗ്ദാദ്: ഇറാഖില്‍ ഐഎസിനെതിരായ സൈനിക നീക്കം തുടരുന്ന ഫലൂജയില്‍ നിന്നു പുറത്തുകടക്കാനാവാതെ കഴിയുന്നത് 50,000ലധികം ആളുകള്‍. ഐഎസ് നിയന്ത്രണത്തിലുള്ള ഫലൂജ നഗരത്തെ ഇറാഖി സൈന്യവും സര്‍ക്കാര്‍ സായുധ വിഭാഗങ്ങളും പൂര്‍ണമായി വളഞ്ഞിട്ടുണ്ട്. നഗരത്തില്‍ നിന്ന് ഒരാഴ്ചയ്ക്കിടെ 800ഓളം ഇറാഖികള്‍ പലായനം ചെയ്തതായി യുഎന്‍ അറിയിച്ചിരുന്നു. നഗരത്തോടു ചേര്‍ന്ന ഐഎസിനു സ്വാധീനം കുറവുള്ള മേഖലകളില്‍ നിന്നുള്ളവര്‍ക്കാണ് പലായനം ചെയ്യാന്‍ സാധിച്ചത്. ഫലൂജയിലെ സ്ഥിതിഗതികള്‍ ദിനംപ്രതി ഗുരുതരമായി വരുകയാണെന്ന് നോര്‍വീജിയന്‍ അഭയാര്‍ഥി കൗണ്‍സിലിന്റെ ഇറാഖ് ഡയറക്ടര്‍ നാസര്‍ മുഫ്‌ലാഹി അറിയിച്ചു. നഗരത്തില്‍ നിന്നു പുറത്തു കടക്കുന്നതിനുള്ള സുരക്ഷിത മാര്‍ഗങ്ങള്‍ സജ്ജമാക്കുമെന്ന് ഇറാഖി സൈന്യം നേരത്തേ അറിയിച്ചിരുന്നു. എന്നാല്‍ ഐഎസ് ചെക്‌പോയിന്റുകള്‍ വെട്ടിച്ച് ഫലൂജയില്‍ നിന്നു പുറത്തു കടക്കുന്നത് അസാധ്യമാണെന്നാണ് നഗരവാസികള്‍ അറിയിച്ചത്. അതേസമയം, ഫലൂജയില്‍ നിന്നു 460ഓളം പേരെ മാറ്റിയതായും ഭൂരിപക്ഷവും കുട്ടികളും സ്ത്രീകളുമാണെന്നും പോലിസ് ലെഫ്റ്റനന്റ് ജനറല്‍ റഇദ് ഷാകിര്‍ ജവ്ദാത് അറിയിച്ചു. ജനങ്ങളുടെ സുരക്ഷയ്ക്കാണ് പ്രഥമ പരിഗണന നല്‍കുന്നതെന്നും അദ്ദേഹം വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക