|    Aug 20 Mon, 2018 1:58 pm
FLASH NEWS
Home   >  Todays Paper  >  page 9  >  

ഫലസ്തീന് ഐക്യദാര്‍ഢ്യം പ്രകടിപ്പിച്ച് മറഡോണ

Published : 18th July 2018 | Posted By: kasim kzm

മോസ്‌കോ: ഫലസ്തീന് ഐക്യദാര്‍ഢ്യം അറിയിച്ച് ഫുട്‌ബോള്‍ ഇതിഹാസം ഡീഗോ മറഡോണ. മോസ്‌കോയില്‍ ഫിഫ ലോകകപ്പ് ഫൈനല്‍ കാണാനെത്തിയ ഫലസ്തീന്‍ പ്രസിഡന്റ് മഹ്മൂദ് അബ്ബാസുമായി മറഡോണ കൂടിക്കാഴ്ച നടത്തി. അബ്ബാസിനെ ആലിംഗനം ചെയ്ത മറഡോണ “എന്റെ മനസ്സ് ഫലസ്തീനികളുടേതാണെന്ന്’ അദ്ദേഹത്തെ അറിയിച്ചു. അബ്ബാസുമായി നടത്തിയ കൂടിക്കാഴ്ചയുടെ വീഡിയോ മറഡോണ തന്റെ ഇന്‍സ്റ്റഗ്രാം പേജില്‍ പോസ്റ്റ് ചെയ്തിരുന്നു. ഈ വീഡിയോ അറബ് ലോകത്തും ഇസ്രായേലിലും വ്യാപകമായി പ്രചരിക്കുകയാണ്.
“ഫലസ്തീനില്‍ സമാധാനം പുലരണമെന്നാണ് ഇദ്ദേഹം ആഗ്രഹിക്കുന്നത്. അബ്ബാസിന് ഒരു രാജ്യമുണ്ട്. ആ രാജ്യത്തിന് ഒരു അവകാശവുമുണ്ട്’- മറഡോണ പറഞ്ഞു. തുടര്‍ന്ന്, മറഡോണയ്ക്ക് നന്ദിയര്‍പ്പിച്ച് അബ്ബാസ് ഒലീവ് ശാഖകള്‍ വഹിക്കുന്ന പ്രാവുകളുടെ ചിത്രമടങ്ങിയ പെയിന്റിങ് സമ്മാനമായി നല്‍കുകയും ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss