|    Jun 24 Sun, 2018 1:34 am
FLASH NEWS
Home   >  Todays Paper  >  page 9  >  

ഫലസ്തീന്‍ പ്രക്ഷോഭകര്‍ക്കു നേരെ ഇസ്രായേല്‍ വെടിവയ്പ്; രണ്ടു മരണം

Published : 21st April 2018 | Posted By: kasim kzm

ഗസ: അഭയാര്‍ഥികളാക്കപ്പെട്ടവരെ തങ്ങളുടെ മണ്ണിലേക്ക് തിരികെ വരാന്‍ അനുവദിക്കണമെന്നാവശ്യപ്പെട്ടു ഗസ അതിര്‍ത്തിയില്‍ ഫലസ്തീനികള്‍ നടത്തുന്ന പ്രക്ഷോഭത്തിനു നേരെ ഇസ്രായേല്‍ സൈന്യം നടത്തിയ വെടിവയ്പില്‍ രണ്ടുപേര്‍ കൊല്ലപ്പെട്ടു.
തുടര്‍ച്ചയായി നാലാമത്തെ വെള്ളിയാഴ്ചയും ശക്തമായ പ്രക്ഷോഭമാണ് ഗസ അതിര്‍ത്തിയില്‍ നടന്നത്. സമരക്കാര്‍ക്കു നേരെ ഇസ്രായേല്‍ സൈന്യം നടത്തിയ വെടിവയ്പില്‍ 83 പേര്‍ക്കു പരിക്കേറ്റതായും ഫലസ്തീന്‍ ആരോഗ്യ വൃത്തങ്ങള്‍ അറിയിച്ചു. അഹ്മദ് അബൂ അഖീല്‍ (25), അഹ്മദ് റഷാദ് അല്‍ അതംനി (24) എന്നിവരാണ് കൊല്ലപ്പെട്ടത്. ഇതോടെ, പ്രക്ഷോഭത്തില്‍ മരിച്ചവരുടെ എണ്ണം 36 ആയി. മാര്‍ച്ച് 30നാണ് ഹമാസിന്റെയും മറ്റു സംഘടനകളുടെയും നേതൃത്വത്തില്‍ സമരം ആരംഭിച്ചത്.
ഇസ്രായേല്‍ അതിര്‍ത്തിക്കു സമീപം ടയറുകള്‍ കൂട്ടിയിട്ടു കത്തിക്കാന്‍ ശ്രമിക്കുന്നത് നോക്കിനില്‍ക്കുകയായിരുന്ന അഖീലിനു നേരെ സൈന്യം വെടിയുതിര്‍ക്കുകയായിരുന്നു. വെള്ളിയാഴ്ച ജുമുഅ നമസ്‌കാരത്തിനു ശേഷം ഫലസ്തീന്റെ വിവിധ ഭാഗങ്ങളില്‍ നടന്ന പ്രക്ഷോഭത്തില്‍ ആയിരക്കണക്കിനു പേര്‍ അണിനിരന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss